ԼՈՆԴՈՆ, 6 ՆՈՅԵՄԲԵՐԻ, ՆՈՅԵԱՆ ՏԱՊԱՆ: «Ալ Ղաիդան» քարօզչութիւն է վարում երիտասարդության եւ անգամ երեխաների շրջանում` նրանց Մեծ Բրիտանիայի տարածքում ահաբեկչական հարձակումներում ներգրաւելու նպատակով: Այս մասին յայտարարել է ՄԻ-5 բրիտանական հակահետախուզութեան ղեկավար Ջոնաթան Էվանսը: «Մեր երկրում ահաբեկիչները մեթոդապես եւ կանխամտածուած իրենց գործունէութիւնը կենտրոնացնում են երիտասարդության եւ երեխաների շրջանում: Նրանք երիտասարդ, անպաշտպան մարդկանց արմատականացնում, գաղափարապէս մշակում եւ նախապատրաստում են ահաբեկչական գործողութիւնների իրականացման: Այս տարի մենք գործ ենք ունեցել ծայրայեղական գործունէութեան մէջ ներգրաւուած 15 եւ 16 տարեկան դեռահասների հետ»,- նշել է Ջոնաթան Էվանսը:

---