ՍՏՐԱՍԲՈՒՐԳ, 10 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հոկտեմբերի 10-ին
Եվրոպայում առաջին անգամ նշւում է Մահապատժի դէմ պայքարի օրը,
չնայած Լեհաստանի առարկութեանը, որը շրջափակել էր նրա անցկացման
փորձերը Եւրոմիութեան հովանու ներքոյ:
Վարշավան կամենում էր, որպէսզի այդ օրը դառնայ ոչ միայն
մահապատժի, այլեւ աբորտների եւ էվթանազիայի դէմ բողոքի օր:
Արդիւնքում` օրն անցկացւում է Եւրոպայի Խորհրդի հովանու
ներքոյ, քանի որ դրա համար չի պահանջւում բոլոր անդամների միահամուռ
համաձայնութիւնը` անհրաժեշտ է ստանալ սոսկ ձայների
մեծամասնութիւնը:
«Եւրոպայի Խորհրդի անունից հանդիսավորապես յայտարարում եմ
Մահապատժի դէմ եւրոպական օրուայ հիմնման մասին, որը կնշուի ամէն տարի
հոկտեմբերի 10-ին»,- երեքշաբթի յայտարարել է Եւրոպայի Խորհրդի
Նախարարների կոմիտէի նախագահ, Սերբիայի արտաքին գործերի նախարար
Վուկ Իերեմիչը:
Մահապատժի վերացումը Եւրոպայի Խորհրդի անդամութեան գլխաւոր
նախապայմաններից է: Վերջին մահապատիժը Եւրոպայի Խորհրդի երկրներում
իրականացուել է 10 տարի առաջ` Ուկրաինայում: