ՇԱԽՄԱՏԻ ԵՒՐՈՊԱՅԻ ՉԵՄՊԻՈՆՆԵՐԻ ԳԱՒԱԹԻ ԹԻՄԱՅԻՆ ԽԱՂԱՐԿՈՒԹԵԱՆ
6-ՐԴ ՓՈՒԼՈՒՄ ՀԱՅԱՍՏԱՆԻ ՆԵՐԿԱՅԱՑՈՒՑԻՉՆԵՐԸ ՅԱՂԹԱՆԱԿ ՏԱՐԱՆ
09-10-2007 19:20:00 | | Սպորտ
ԱՆԹԱԼԻԱ, 9 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Թուրքիայի Անթալիա
քաղաքում անցկացուող շախմատի Եւրոպայի չեմպիոնների գաւաթի թիմային
խաղարկութիւնում հոկտեմբերի 8-ին կայացան 6-րդ փուլի
հանդիպումները:
Տղամարդկանց մրցաշարում Երեւանի «Բանկային արքայ»-ն 4,5:1,5
հաշւով յաղթեց Բելգիայի «Ռոշադե Յուփեն Կելմիս» ակումբին եւ 8
միաւորով ընթանում է 11-րդ տեղում: Իսկ առաջատարը 11 միաւորով
Իսպանիայի «Լինեքս Մեջիկ»-ն է, որի կազմում հանդէս է գալիս
հայաստանցի գրոսմայստեր Գաբրիէլ Սարգսեանը:
Երեւանի «Միկա» կանանց ակումբը 6-րդ փուլում 3:1 հաշւով
յաղթեց Գերմանիայի «Բոքսբանկ Հալլե»-ին եւ 8 միաւորով 4-րդ տեղում
է: Կանանց մրցաշարի առաջատարը 11 միաւորով Մոնակոյի «Մոնտեկառլոն»
է:
Հոկտեմբերի 9-ին նշանակուած են վերջին` 7-րդ, փուլի
հանդիպումները: