ՄՈՍԿՈՒԱ, 9 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Ֆրանսիայի նախագահ
Նիկոլա Սարկոզին հոկտեմբերի 9-ին ժամանում է Մոսկուա: Սա Ֆրանսիայի
նոր նախագահի առաջին պաշտօնական այցն է Ռուսաստան: Այն կտեւի երկու
օր:
Ռուսաստանի նախագահի օգնական Սերգեյ Պրիխոդկոն նշել է, որ
«Ֆրանսիան Ռուսաստանի համար եղել եւ մնում է հեռանկարային
գործընկերներից մէկը»: Այդ առնչութեամբ նա ընդգծել է, որ
բանակցութիւնների ընթացքում առաջին հերթին կքննարկուեն
առեւտրատնտեսական յարաբերութիւնների առկայ վիճակի եւ հեռանկարի
հարցերը:
Մինչդեռ Փարիզում մտադիր են ուշադրութիւնը բեւեռել նախ եւ
առաջ միջազգային խնդիրների վրայ: «Կարծում եմ, աւելի շատ կխոսվի
ռազմավարական, քան տնտեսական հարցերի մասին»,- յայտարարել է ՌԴ-ում
Ֆրանսիայի դեսպան Ստանիսլաս դե Լաբուլեն: