ՑՅՈՒՐԻԽՈՒՄ ԲԱՑՈՒԵԼ Է ՀԱՅԿԱԿԱՆ ԺԱՄԱՆԱԿԱԿԻՑ ԱՐՈՒԵՍՏԻՆ ԵՎ
ՃԱՐՏԱՐԱՊԵՏՈՒԹԵԱՆԸ ՆՈՒԻՐՈՒԱԾ ՑՈՒՑԱՀԱՆԴԷՍ
05-10-2007 19:40:00 | | Մշակոյթ
ՑՅՈՒՐԻԽ, 5 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Ցյուրիխի «EWZ»
ցուցասրահում հոկտեմբերի 4-ին բացուել է «Հայկական բնանկարները
ժամանակակից արուեստում եւ ճարտարապետությունում» ցուցահանդէսը: Այն
կազմակերպուել է Շվեյցարիայում Հայաստանի դեսպանութեան ջանքերով`
Ցյուրիխի քաղաքապետարանի սերտ համագործակցութեամբ:
«Խորհրդանիշների բնանկար, կառուցոուած միջավայրի բնանկար,
երազանքների բնանկար» խորագրով անցնող ցուցահանդէսը նուիրուած է
Հայաստանի ժամանակակից արուեստին եւ ճարտարապետութեանը: Այն
հանդիսատեսին է ներկայացնում, թէ ինչպէս տեղանքը, բնակավայրն ու
միջավայրը համադրութեան մէջ իրենց ազդեցութիւնն ու դրոշմն են
թողում ճարտարապետութեան, գրականութեան, գեղարուեստի եւ
երաժշտութեան վրայ:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ ԱԳՆ Մամուլի եւ
տեղեկատուութեան վարչութիւնից, ցուցահանդէսը հերթականն է
Շվեյցարիայում ՀՀ դեսպանութեան կազմակերպած միջոցառումների
շարքում, որոնց նպատակն է ներկայացնել Հայաստանի հարուստ
մշակոյթային ժառանգութիւնը որպէս արեւելքի ու արեւմուտքի
խաչմերուկում ձեւաւորուած յուրօրինակ գոյութիւն: Դրանցից
ամենանշանակալիցը Ժնեւում սեպտեմբերին բացուած «Հայաստանի
մանրանկարչությունը. Մատենադարանի հաւաքածուն» ցուցահանդեսն է: