ԴԵԿՏԵՄԲԵՐԻՆ ՍՈՖԻԱՅԻ ԿԵՆՏՐՈՆԱԿԱՆ ՊԱՏԿԵՐԱՍՐԱՀՈՒՄ ԿԲԱՑՈՒԻ
ՀԱՅԿԱԿԱՆ ԺԱՄԱՆԱԿԱԿԻՑ ԳԵՂԱՐՈՒԵՍՏԻ ՑՈՒՑԱՀԱՆԴԷՍ
02-10-2007 15:45:00 | Հայաստան | Մշակոյթ
ԵՐԵՎԱՆ, 2 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանը արտերկրում
ներկայացնելու արդիւնաւէտ միջոցներից է մշակոյթային
միջոցառումների կազմակերպումը: Այս մասին հոկտեմբերի 2-ի
ասուլիսում նշեց Աուստրիայում (համատեղությամբ նաեւ` Հունգարիայում,
Չեխիայում եւ Սլովակիայում) ՀՀ դեսպան Աշոտ Հովակիմեանը,
յաւելելով, որ նաեւ մշակոյթի ներկայացմամբ են պայմանաւորուած
Հայաստանի արտաքին քաղաքանության զարգացումները: Միաժամանակ
դեսպանն ընդգծեց, որ թէեւ ՀՀ-ի դեսպանատները կազմակերպում են
հայկական մշակոյթին նուիրուած միջոցառումներ եւ փառատոներ, սակայն
Հայաստանը արտերկրում պատշաճ կերպով ներկայացնելու համար անհրաժեշտ
են լուրջ ֆինանսական յատկացումներ:
Բուլղարիայում ՀՀ դեսպան Սերգեյ Մանասարեանը յայտնեց, որ
դեսպանատան նախաձեռնութեամբ դեկտեմբերին Սոֆիայի կենտրոնական
պատկերասրահում կբացուի հայկական ժամանակակից գեղարուեստի
ցուցահանդէս: