ՆԱՐԻՆԷ ԹՈՒԽԻԿՅԱՆԸ ՓՈԽԵԼՈՒ Է Հ.ԹՈՒՄԱՆՅԱՆԻ ԱՆՈՒԱՆ ԹԱՆԳԱՐԱՆԻ
ԱՇԽԱՏԱՈՃԸ` ՓՈՐՁԵԼՈՎ ԶԱՐԳԱՑՆԵԼ ԹԱՆԳԱՐԱՆԱՅԻՆ ԲԻԶՆԵՍԸ
28-09-2007 19:30:00 | Հայաստան | Մշակոյթ
ԵՐԵՎԱՆ, 28 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Հովհ.Թումանյանի
թանգարանի նոր տնօրէն Նարինէ Թուխիկյանը հիմնովին փոխելու է
հաստատութեան գործելակերպը: «Մենք փակ ենք եղել աշխարհի առջեւ,
թանգարանագիտությունն ամբողջ աշխարհում անընդհատ փոփոխվող ու
զարգացող գիտութիւն է, իսկ մեզանում այն այսօր էլ մնացել եւ
գործում է աւանդական ստերեոտիպերով»,- գտնում է թանգարանի նոր
տնօրէնը: Սեպտեմբերի 28-ին լրագրողների հետ ունեցած հանդիպանը նա
յայտարարեց, որ այսուհետ թանգարանը գործելու է բաց եւ նոր շնչով.
«Ես բացել եմ թանգարանի դռները, որ աշխարհում տեղի ունեցող
թանգարանային նոր գործընթացները լցուեն մեր տունը»:
Ըստ նրա, Թումանյանն առատ նիւթ է թողել սերունդներին, ինչն
առաջին հերթին պէտք է պահպանել, ապա եւ սիրելի ու մատչելի դարձնել
հանրութեան համար: «Ես փորձելու եմ փոխել թանգարանում իրականացyող
աշխատանքի ձեւը. այցելուն` մտնելով թանգարան, չպէտք է հանդիպի իր
պարատականությունը կատարող էքսկուրսավարին, ով հապճեպ կամ ցաք ու
ցրիվ պատմում է ցուցադրվող նիւթի մասին եւ դրանով էլ աւարտում իր
գործը: Փորձելու ենք վերականգնել Թումանյանի խաղերը, որոնք
բանաստեղծը հնարել էր հենց երեխաների համար: Կազմակերպելու ենք
խաղային մրցոյթներ, որոնք ե'ւ գիտելիքներ կտան երեխաներին, ե'ւ
հետաքրքրութիւն կառաջացնեն նրանց մօտ»,- ասում է թանգարանի
տնօրէնը: Արդէն վերականգնվել է «Առածանի» մանկական խաղը, որը
սովորական լոտոյից տարբերւում է նրանով, որ խաղացողները պէտք է
անպայման իմանան առածները:
Ըստ տնօրէնի, այս կերպ կարելի է զարգացնել թանգարանային
բիզնեսը, որն ամբողջ աշխարհում արդէն վաղուց ընդունուած է: «Նման
միջոցներով ստացւող գումարները կփորձենք ներդնել մէկ այլ
թանգարանային գործի մէջ, որը նույնպես որոշակի գումարներ կբերի:
Այսպէս փոքր քայլերով կփորձենք ստեղծել նոր աշխատելաձեւ` ժամանակին
համահունչ»,- ասում է նա:
Նարինէ Թուխիկյանը յայտնեց, որ արդէն թանգարանի ուժերով
տպագրուել են Թումանյանի դիմանկարով եւ նրա գործերի պատկերներով
փոստային քարտեր, որոնք բաժանուել են տուրիստական
գործակալութիւններին: Պատրաստւում է նաեւ թանգարանի ինտերնետային
կայք-էջը: Թանգարանում կբացուի նաեւ «Բզէզի դպրոցը» նախադպրոցական
տարիքի երեխաների համար, որոնք խաղերի միջոցով կստանան գիտելիքներ: