ԷՎՈՐԱ, 28 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Պորտուգալիայի հարաւում գտնուող Էվորա քաղաքում սեպտեմբերի 28-ին մեկնարկում է Եւրոմիութեան պաշտպանութեան նախարարների ոչ պաշտօնական հանդիպումը: Հանդիպման ընթացքում, որը կտեւի երկու օր, ԵՄ 27 երկրների պաշտպանական գերատեսչութիւնների ղեկավարները կքննարկեն ՆԱՏՕ-ի հետ ռազմավարական գործընկերութեան հարցերը: Էվորայի հանդիպման նախօրեակին Պորտուգալիայի ազգային պաշտպանութեան նախարար Նունու Սեւերյանու Տեյշեյրան կոչ է արել պաշտպանութիւնը դարձնել ԵՄ գերակայութիւններից մէկը:

---