ՄԻՆՉԵՒ ՏԱՐԵՎԵՐՋ ԿԱՒԱՐՏՈՒԵՆ ՀԱՅԱՍՏԱՆԻ ՆԿԱՐԻՉՆԵՐԻ ՄԻՈՒԹԵԱՆ
ԵՐԿՈՒ ՄԵԾ ՑՈՒՑԱՍՐԱՀՆԵՐԻ ՎԵՐԱԿԱՌՈՒՑՄԱՆ ԱՇԽԱՏԱՆՔՆԵՐԸ
26-09-2007 16:05:00 | Հայաստան | Մշակոյթ
ԵՐԵՎԱՆ, 26 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Մինչեւ տարեվերջ
կաւարտուեն Հայաստանի նկարիչների միութեան (ՀՆՄ) երկու մեծ
ցուցասրահների վերակառուցման աշխատանքները: Շինարարութիւնը
փոխշահավետ պայմաններով իրականացնում է «Ռենգեմա»
շինկազմակերպությունը:
Ինչպէս «ՆՈՅԵԱՆ ՏԱՊԱՆ»-ի թղթակցին յայտնեց ՀՆՄ-ի նախագահ
Կարեն Աղամեանը, պայմանագրի համաձայն, վերանորոգումից յետոյ երկու
ցուցասրահների ընդհանուր մակերեսը ներկայիս 620 քմ-ի փոխարէն
կկազմի 860 քմ: Նրա խօսքերով, առաջին հարկի ցուցասրահը նախատեսուած
է գեղանկարչական, իսկ երկրորդ յարկինը` գրաֆիկական աշխատանքների
ցուցադրության համար:
Կ.Աղամեանը յայտնեց նաեւ, որ վերանորոգումից յետոյ միութիւնը
կկազմակերպի բազմաբնոյթ ցուցահանդեսներ: «Միութեան դռները բաց
կլինեն բոլոր նկարիչների համար: Եվ այստեղ ցուցադրվեն ոչ միայն
աւագ եւ միջին սերնդի, այլեւ սկսնակ նկարիչների գործերը»,- նշեց
Կ.Աղամեանը: