ՏՈԿԻՈ, 12 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Ճապոնիայի վարչապետ
Սինձո Աբեն սեպտեմբերի 12-ին յայտարարել է հրաժարական տալու
մտադրութեան մասին, հաղորդում են տեղական լրատվամիջոցները:
«Այսօր ես որոշում եմ ընդունել վարչապետի պաշտօնից հեռանալու
մասին»,- լրագրողներին յայտարարել է Սինձո Աբեն:
Ըստ վարչապետի, այդ քայլի համար պատճառ է դարձել
ահաբեկչութեան դէմ պայքարի մասին յատուկ օրէնքի գործողութեան
ժամկէտը երկարացնելու հարցի շուրջ Դեմոկրատական կուսակցութեան
գլխաւորած երկրի ընդդիմութեան հետ փոխզիջման հասնելու
անհնարինութիւնը: Նշենք, որ տուեալ օրէնքը ուժի մէջ է մինչեւ
նոյեմբերի 1-ը:
Ըստ այդ օրէնքի, ճապոնացի լցարկողները 2001թ. ի վեր գտնւում
են Հնդկական ովկիանոսում եւ վառելիք են մատակարարում Աֆղանստանում
խաղաղարար առաքելութեանը մասնակցող կոալիցիայի նաւերին:
«Պէտք է փոխել իրավիճակը: Հաւանաբար ահաբեկչութեան դէմ պէտք է
պայքարել այլ վարչապետի ղեկավարութեամբ» ,- յայտարարել է Աբեն:
Ըստ վարչապետի չի կարելի դադարեցնել ճապոնացի զինվորականների
գործունէութիւնը, որը «այդպիսի բարձր գնահատականի է արժանացել
համաշխարհային հանրութեան կողմից»: