ԱՄՆ-Ը ՀԻՒՍԻՍԱՅԻՆ ԿՈՐԵԱՅԻՆ ՋՆՋԵԼ Է ԱՀԱԲԵԿՈՒԹՅՈՒՆԸ
ՖԻՆԱՆՍԱՒՈՐՈՂ ԵՐԿՐՆԵՐԻ ՑՈՒՑԱԿԻՑ
03-09-2007 18:10:00 | | Միջազգային
ԺՆԵՎ, 3 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ը համաձայնել է
Հիւսիսային Կորեային հանել այն երկրների ցուցակից, որոնք
ֆինանսաւկորում են ահաբեկությունը, հաղորդում է «Ռոյթերը»
վկայակոչելով ԿԺԴՀ ԱԳՆ յայտարարութիւնը, որ տարածել է կորեական
կենտրոնական լրատուական գործակալութիւնը:
Սեպտեմբերի 2-ին ԱՄՆ-ի եւ Հիւսիսային Կորեայի
ներկայացուցիչները, ամփոփելով Ժնեւի երկօրեայ բանակցութիւնների
արդիւնքները, յայտարարել են, որ գոհ են բանակցութիւնների
արդիւնքներից, յիշեցնում է «Նովոստի» գործակալութիւնը: Իսկ
սեպտեմբերի 3-ին յայտնուել է եւ յստակ տեղեկատուութիւն. ԿԺԴՀ-ն
համաձայնել է լիակատար տեղեկատուութիւն տրամադրել իր միջուկային
ծրագրերի վերաբերեալ եւ փակել դրանք մինչեւ ընթացիկ տարուայ վերջ:
ԱՄՆ-ի պետքարտուղարի տեղակալ Քրիստոֆեր Հիլլը յայտնել է, որ
պատուիրակութիւնները քննարկել են երկու երկրների միջեւ
յարաբերութիւնների նորմալացման համար անհրաժեշտ միջոցառումները,
ներառեալ ահաբեկությունը հովանաւորող երկրների ամերիկեան ցուցակից
ԿԺԴՀ-ն հանելու հարցը: