ՍԿՍՈՒԵԼ ԵՆ ԵՂԵՌՆԻՑ ՓՐԿՎԱԾՆԵՐԻ ԺԱՌԱՆԳՆԵՐԻ ՆԵՐԿԱՅԱՑՈՒՑԻՉՆԵՐԻ
ԵՐՐՈՐԴ ՀԱՄԱԳՈՒՄԱՐԻ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԸ
10-08-2007 18:39:00 | Հայաստան | Հասարակութիւն
ԵՐԵՎԱՆ, 10 ՕԳՈՍՏՈՍԻ, ՆՈՅԵԱՆ ՏԱՊԱՆ: Օգոստոսի 10-ին ՀՀ
արտաքին գործերի նախարար Վարդան Օսկանյանն ընդունել է Եղեռնից
փրկվածների ժառանգների ներկայացուցիչների համագումարի
նախապատրաստման եւ անցկացման կազմակերպական կոմիտէի անդամ Կարեն
Միքայելյանին: Ինչպէս նշուած է ՀՀ ԱԳՆ Մամուլի եւ տեղեկատուութեան
վարչութիւնից «ՆՈՅԵԱՆ ՏԱՊԱՆ»-ին տրամադրած հաղորդագրութիւնում,
նախորդ երկու համագումարները կայացել են 1917 եւ 1918 թուականներին`
Երեւանում:
Ներկայացնելով երրորդ համագումարը հրաւիրելու նշանակությունն
ու անհրաժեշտութիւնը համազգային խնդիրները միասնաբար առաջադրելու
եւ համատեղ ջանքերով լուծելու գործում, Կ.Միքայելեանը տեղեկացրել
է, որ արդէն կայացել են կազմակերպական մի քանի նիստեր, հրապարակուել
է լիազօր ներկայացուցչական մարմիններ հիմնելու մասին
Յայտարարութիւնը:
Կարեւորելով նախորդ երկու համագումարների ընդհատված
գործընթացները շարունակելու եւ երրորդ համագումարը հրաւիրելու
նախաձեռնութիւնը, Վ.Օսկանեանը նշել է, որ նման ներկայացուցչական
համագումար հրաւիրելու համար անհրաժեշտ է նախապատրաստական մեծ
աշխատանք կատարել Սփիւռքի հայ համայնքներում, յատկապէս աշխարհիկ
ու հոգեւոր կազմակերպութիւնների հետ` նրանց հետ նախապէս
քննարկելով համագումարի հրաւիրելու հետ առնչուող բոլոր խնդիրները: