ԱՄԵՐԻԿԱՑԻՆԵՐԻ ՄԵԾԱՄԱՍՆՈՒԹԻՒՆԸ ԿՈՂՄ Է ԵՎՐՈՊԱՅՈՒՄ ՀՀՊ
ՀԱՄԱԿԱՐԳԻ ՏԱՐՐԵՐԻ ՏԵՂԱԿԱՅՄԱՆ ԾՐԱԳՐԻՆ
27-07-2007 18:07:00 | ԱՄՆ | Միջազգային
ՎԱՇԻՆԳՏՈՆ, 27 ՅՈՒԼԻՍԻ, ՆՈՅԵԱՆ ՏԱՊԱՆ: Ամերիկացիների 84%-ը
կողմ է ԱՄՆ-ի անվտանգութեան համար հակահրթիռային պաշտպանութեան
(ՀՀՊ) համակարգի ստեղծման որոշմանը, իսկ 70%-ն էլ սատարում է ՀՀՊ-ի
տարրերի Լեհաստանում եւ Չեխիայում տեղակայելու ծրագրին:
Այս տուեալները հրապարակուել են «Opinion Research»
սոցիոլոգիական ծառայութեան անցկացրած հարցախույզի արդիւնքում:
Հարցման մասնակիցների 81%-ի կարծիքով, ՀՀՊ-ի թեման շատ
կարեւոր է, որին պէտք է անդրադառնան նախագահական ընտրարշավին
մասնակցող թեկնածուները: Իսկ հարցուածների 71%-ը պնդել է, թէ ԱՄՆ-ի
Կոնգրեսը պէտք է ֆինանսաւորի ՀՀՊ-ի հետ կապուած աշխատանքները:
Նշենք նաեւ, որ ԱՄՆ-ի ռազմական գերատեսչութիւնը պայմանագիր է
կնքել «Բոինգ» կորպորացիայի հետ Չեխիայում եւ Լեհաստանում ՀՀՊ-ի
օբյեկտների շինարարական նախագծման եւ նախապատրաստական աշխատանքները
սկսելու համար: