Բահամեան կղզիների իշխանութիւնները արգելել են շնաձկների որսը իրենց տարածքներում, հաղորդում է BBC-ն: Արգելւում է նաեւ դրանց մսի վաճառքը, արտահանումն ու ներմուծումը: Նոր օրէնքը թոյլ կը տայ արգելավայր ստեղծել շնաձկների համար` 630 000 քառակուսի կիլոմետր մակերեսով: Կենդանիների պաշտպանների տուեալներով` աշխարհում օրական 73 միլիոն շնաձուկ է որսւում: Յաճախ դրանք սպանւում են` դառնալով ապուրների բաղադրամաս: Շնաձկների որսը արդէն արգելուած է նաեւ Հոնդուրասի ջրերում, Մալդիւեան եւ Պալաու կղզիներում:

---