Պակիստանի իշխանութիւններն արգելել են Բեն Լադենի ընտանիքի էքստրադիցիան երկրից, յայտնում է «Իտար Տասս»-ը: Համապատասխան որոշումը կայացրել է «Ալ Կ'աիդայ»-ի առաջնորդի ոչնչացման հանգամանքներն ուսումնասիրող յանձնաժողովը: «Համար առաջին ահաբեկչի» առանձնատանը ապրում էին նրա երկու կանայք եւ մի քանի անչափահաս երեխաները: ԱՄՆ իշխանութիւնները պնդում են, որ Աբբոտաբադում բնակուող Բեն Լադենի ազգականներին արտայանձնեն ամերիկեան կողմին մանրամասն քննութեան համար, սակայն պաշտօնական Իսլամաբադը դեռ չի պատրաստւում կատարել նրանց պահանջը:

---