ԲԵԼԳԻԱՅՈՒՄ ՀՀ ԴԵՍՊԱՆՈՒԹԻՒՆԸ ՀԻՒՐԸՆԿԱԼԵՑ ԲԵԼԳԻԱՅԻ ԵՎ
ՆԻԴԵՌԼԱՆԴՆԵՐԻ ԿԻՐԱԿՆՕՐԵԱՅ ՀԱՅԿԱԿԱՆ ԴՊՐՈՑՆԵՐԻ ՍԱՆԵՐԻՆ
05-06-2007 18:10:00 | Հայաստան | Հասարակութիւն
ԲՐԻՒՍԷԼ, 5 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 4-ին Բելգիայում
ՀՀ դեսպանութիունում տեղի ունեցաւ Հանրապետութեան օրուան նուիրուած
ամենամեայ հանդէսը, որին մասնակցում էին Բելգիայի եւ Նիդեռլանդների
կիրակնօրեայ հայկական դպրոցների սաները:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ ԱԳՆ Մամուլի եւ
տեղեկատուութեան վարչութիւնից, այս առիթով դեսպանութիւնը
հիւրընկալել էր Ալմելոյից, Լյեժից, Մեխելենից, Ռոտտերդամից,
Բրիւսէլից, Անտվերպենից եւ Գենտից ժամանած շուրջ 60 հայ
աշակերտների` նրանց ծնողների եւ ուսուցիչների հետ:
Միջոցառման ընթացքում հայկական դպրոցների աշակերտները
ներկայացրեցին հայկական բանաստեղծութիւններ, երգեր եւ պարային
կատարումներ, որոնք ջերմութեամբ ընդունվեցին ներկաների կողմից:
Դպրոցներին յանձնուեց Հայոց լեզուի ու գրականութեան, Հայոց
պատմութեան դասագրքեր, ինչպէս նաեւ յայտարարուեց Հայոց լեզուի եւ
Հայոց Պատմութեան իմացության մրցոյթ, որում յաղթողը կարժանանա ՀՀ
դեսպանի մրցանակին: Մրցոյթի արդյուքները կամփոփուեն 2008թ. մայիսի
28-ին: