ՄԱԴՐԻԴ, 21 ՄԱՅԻՍԻ, ՆՈՅԵԱՆ ՏԱՊԱՆ: Եւրամիութեանը Թուրքիայի անդամակցութեանը սատարող Իսպանիան, Իտալիան, Մեծ Բրիտանիան եւ ԱՄՆ-ը Ֆրանսիային կը բացատրեն Թուրքիայի ռազմավարական նշանակութիւնը: Այսպիսի յայտարարութիւն է արել Իսպանիայի արտգործանախարության Եւրամիութեան հետ յարաբերութիւնների հարցերով պետական քարտուղար Ալբերտօ Նավարոն` Ֆրանսիայի նորընտիր նախագահ Նիկոլա Սարկոզիի` Թուրքիայի ԵՄ անդամակցութեանը խոչընդոտելու վերաբերեալ արուած յայտարարութիւնների առնչութեամբ: Ալբերտօ Նավարոն կարծիք է յայտնել, թէ օր-օրի էլ աւելի է եվրոպականացվում Թուրքիան. «Ֆրանսիան Եւրոպայի համար ունի կարեւոր նշանակութիւն, ինչի պատճառով պէտք է հաշուի նստել նրա հետ: Սակայն Իսպանիան, Անգլիան, Իտալիան եւ ԱՄՆ-ը Ֆրանսիային կը բացատրեն Թուրքիայի ռազմավարական նշանակությունն ու կարեւորութիւնը: Յուսով ենք, որ ժամանակի ընթացքում Սարկոզին կփոխի իր տեսակետը»,- ասել է նա: Նշենք, որ Իսպանիայի վարչապետ Ժոզէ Լուիս Ռոդրիգես Զապատերոն մայիսի 31-ին Մադրիդում հանդիպելու է Ֆրանսիայի նախագահ Նիկոլա Սարկոզիի հետ:

---