ԵՐԵՎԱՆ, 19 ՄԱՅԻՍԻ, ՆՈՅԵԱՆ ՏԱՊԱՆ: Ֆրանսիայի թանգարանների տնօրէնների նախաձեռնութեամբ արդէն երրորդ անգամ կազմակերպւող «Թանգարանային գիշեր» ակցիային միանում են նաեւ Հայաստանի թանգարանները: Այս մասին մայիսի 19-ին «Ուրբաթ» ակումբում կայացած հանդիպմանը յայտնեց Հայաստանի ազգային պատկերասրահի տնօրէն Փարավոն Միրզոեանը: Ըստ նրա, եւրոպական ամենահարուստ մշակոյթային աւանդոյթներ ունեցող այս երկիրը նպատակ ունի այդ ակցիայով համախմբել աշխարհի բոլոր թանգարանները` մէկ գիշեր նվիրելով բացառապէս մշակոյթային միջոցառումներին. ակցիային միացած բոլոր թանգարանները մայիսի 19-ին ամբողջ գիշեր բաց կլինեն. կկազմակերպուեն բազմաբնոյթ մշակոյթային միջոցառումներ, ազգային աւանդական ծիսակարգային ներկայացումներ, համերգներ, կինոցուցադրություններ: Ինչպէս նշեց Փ.Միրզոեանը, պատկերասարահները եւ թանգարանները ներկայացնում են երկրի դէմքը: Ըստ նրա, այս կամ այն երկրի մասին զբոսաշրջիկների առաջին տպավորությունները ձեւաւորւում են հենց թանգարաններից: Փ.Միրզոեանի խօսքերով, թանգարանները կարիք ունեն մշատական հոգածության, պետական աջակցութեան. «Իմ գնահատմամբ, արդէն որոշ չափով լաւացել է մեր թանգարանների վիճակը, եւ ես հոյս ունեմ, որ առաջիկայում դրանց նկատմամբ ուշադրութիւնն աւելի կմեծանա»: Հանդիպմանը ներկայ Դ.Դեմիրճեանի տուն-թանգարանի վարիչ Կարինէ Ռաֆայելեանը նշեց, որ իրենց թանգարանը թեպետ Չարենցի անուան գրականութեան եւ արուեստի թանգարանի մասնաճիւղն է, սակայն նույնպես կարիք ունի աջակցութեան: Նշենք, որ այս տարի լրանում է տուն-թանգարանի ստեղծման 30 եւ Դ.Դեմիրճեանի 130-ամեակները: «Մենք մեր ուժերով պատրաստուել են այս հոբելայանական տարուան. դպրոցականների հետ բեմադրել ենք «Վարդանանք»-ը, իսկ աւելի ուշ կկազմակերպուի նաեւ գիտաժողով` նուիրուած գրողի ստեղծագործական ժառանգութեանը: Սակայն այս ամէնը շատ քիչ է: 1977 թուականից չեն փոխվել թանգարանի ցուցափեղկերը, եւ մենք չենք կարողանում նոր ցուցադրություն կազմակերպել»,- ընդգծեց Կ.Ռաֆայելեանը:

---