ԼՂՀ ՆԱԽԱԳԱՀԸ, ԱԺ ՆԱԽԱԳԱՀԸ ԵՎ ՎԱՐՉԱՊԵՏԸ ՀԱՄԱՏԵՂ ՑԱՎԱԿՑԱԿԱՆ
ՈՒՂԵՐՁ ԵՆ ՅՂԵԼ ԳՈՀԱՐ ԳԱՍՊԱՐԵԱՆԻ ՄԱՀՈՒԱՆ ԿԱՊԱԿՑՈՒԹԵԱՄԲ
18-05-2007 16:00:00 | Հայաստան | Մշակոյթ
ՍՏԵՓԱՆԱԿԵՐՏ, 18 ՄԱՅԻՍԻ, ՆՈՅԵԱՆ ՏԱՊԱՆ: Մեծանուն երգչուհի
Գոհար Գասպարեանի մահուան կապակցութեամբ ԼՂՀ նախագահ Արկադի
Ղուկասեանը, ԼՂՀ ԱԺ նախագահ Աշոտ Ղուկյանը եւ ԼՂՀ վարչապետ
Անուշաւան Դանիյելյանը հանդէս են եկել համատեղ ցավակցական
ուղերձով: Ուղերձում ասուած է.
«Խորը կսկիծով տեղեկացանք մեծանուն երգչուհու` Գոհար
Գասպարեանի մահուան մասին:
Անգնահատելի է Գոհար Գասպարեանի աւանդը հայ երգարվեստի
կայացման ու զարգացման, համաշխարհային մշակոյթի գանձարանում նրա
արժանավոր տեղի ու դերի ամրապնդման գործում:
«Հայաստանի սոխակի» վախճանն անդառնալի կորուստ է համայն
հայութեան, այդ թւում` արցախցիներիս համար:
ԼՂՀ ժողովրդի անունից վշտակցութիւն ենք յայտնում անմոռանալի
երգչուհու ընտանիքի անդամներին, Գոհար Գասպարեանի անզուգական
կատարումների բազմահազար երկրպագուներին, մաղթում հոգու արիութիւն
ու համբերութիւն»:
ԴԱՍ. ՀԱՅԵՐԵՆ 
Հայերեն
Русский
English
French