«ՀԱՅԱՍՏԱՆ» ՀԻՄՆԱԴՐԱՄԻ ԲՐԱԶԻԼԻԱՅԻ ՏԵՂԱԿԱՆ ՄԱՐՄՆԻ
ՖԻՆԱՆՍԱՎՈՐՄԱՄԲ ՆՈՐՈԳՒՈՒՄ Է «ՆՈՐՔ» ՀԻՒԱՆԴԱՆՈՑԻ ԵՐԿՐՈՐԴ ՄԱՍՆԱՇԷՆՔԸ
08-05-2007 19:30:00 | Հայաստան | Հասարակութիւն
ԵՐԵՎԱՆ, 8 ՄԱՅԻՍԻ, ՆՈՅԵԱՆ ՏԱՊԱՆ: «Հայաստան» համահայկական
հիմնադրամի Բրազիլիայի տեղական մարմնի ֆինանսավորմամբ նորոգւում է
Երեւանի «Նորք» ինֆեկցիոն հիւանդանոցի երկրորդ մասնաշէնքը: Մինչեւ
տարեվերջ նախատեսւում է շահագործման յանձնել մասնաշէնքի երկրորդ եւ
երրորդ հարկերը, վերակառուցել տանիքը, կառուցել կաթսայատուն եւ
ջեռուցման համակարգ: Ինչպէս «ՆՈՅԵԱՆ ՏԱՊԱՆ»-ին յայտնեցին
հիմնադրամի Հասարակայնութեան հետ կապերի բաժնից, այդ մասնաշէնքում
գործող լաբորատորիաներն ու բաժանմունքները տարեկան սպասարկում են
մօտ 3000 հիւանդի:
Հիւանդանոցի տնօրէն, ՀՀ գլխաւոր ինֆեկցիոնիստ Արա Ասոյեանը
նշել է, որ հիմնադրամի շարունակական աջակցութեան շնորհիւ 1956թ.-ին
կառուցոուած հիւանդանոցում սպասարկումը կը համապատասխանի ժամանակակից
պահանջներին: Ըստ նրա, դա շատ կարեւոր է հանրապետութեան միակ
ինֆեկցիոն հիւանդանոցի համար, որը տարեկան է սպասարկում մօտ 5000
քաղաքացու: