ԵՊՀ-ՈՒՄ ԲԱՑՈՒԵՑ ԵՒՐՈՊԱԿԱՆ ԻՐԱՒՈՒՆՔԻ ԵՎ ԻՆՏԵԳՐՄԱՆ ԿԵՆՏՐՈՆ
03-05-2007 20:30:00 | Հայաստան | Հասարակութիւն
ԵՐԵՎԱՆ, 3 ՄԱՅԻՍԻ, ՆՈՅԵԱՆ ՏԱՊԱՆ: Երեւանի պետական
համալսարանում մայիսի 3-ին բացուեց Եւրոպական իրաւունքի եւ
ինտեգրման կենտրոնը, որին ներկայ էին ՀՀ վարչապետ Սերժ Սարգսեանը,
ԱԺ նախագահ Տիգրան Թորոսեանը, Հայաստանում Եվրահնձնաժողովի
պատուիրակութեան ղեկավար Պեր Էկլունդը, դեսպաններ, նախարարներ:
Եւրամիութեան աջակցութեամբ եւ ֆինանսավորմամբ հիմնուած այս
կենտրոնը, որի ստեղծմանը յատկացուել է 1 մլն եւրօ, ներկայումս
զբաղւում է ԵՄ-ի մասին հանրային իրազեկման հարցերով եւ
համագործակցում է բուհի իրաւաբանական ֆակուլտետի հետ:
Առաջիկայում կենտրոնի նախաձեռնութեամբ կտպագրուեն ԵՄ
իրաւունքի, ԵՄ ինտեգրման եւ ԵՄ-Հայաստան յարաբերութիւնների
հիմնախնդիրներին նուիրուած պարբերական, ինչպէս նաեւ ԵՄ իրաւական,
տնտեսական եւ քաղաքական խնդիրներին նուիրուած գրքոյկ: Միաժամանակ,
կենտրոնը անցկացնում է փորձնակների (ստաժորների) ծրագիր, որը
նպատակ ունի ներգրաւել իրաւաբանական, միջազգային
հարբերությունների, տնտեսագիտութեան եւ ռոմանո-գերմանական
ֆակուլտետների ուսանողներին Եւրամիութեանը եւ Եւրոպային առնչուող
տարբեր խնդիրների ուսումնասիրութեան մէջ:
Բացի այդ, կենտրոնը նախաձեռնում է ունենալ ռեսուրս կենտրոն`
2000 միաւոր գրքային ֆոնդով գրադարանով: