ՄՕԿ-Ի ՀՈՎԱՆՈՒ ՆԵՐՔՈՅ ՀԱՅԱՍՏԱՆԻ ՁԻՒԴՈՅԻ ՄԱՐԶԻՉՆԵՐԻ ՀԱՄԱՐ
ԿԱԶՄԱԿԵՐՊՈՒԵԼ ԵՆ ՏԵԽՆԻԿԱ-ՄԱՐԶՉԱԿԱՆ ԴԱՍԸՆԹԱՑՆԵՐ
23-04-2007 19:20:00 | Հայաստան | Սպորտ
ԵՐԵՎԱՆ, 23 ԱՊՐԻԼԻ, ՆՈՅԵԱՆ ՏԱՊԱՆ: ՄՕԿ-ի հովանու ներքոյ եւ
ՀԱՕԿ-ի նախաձեռնութեամբ Երեւանում ապրիլի 21-ից անցկացւում են
տեխնիկա-մարզչական դասընթացներ ՄՕԿ-ի «Օլիմպիական համերաշխութեան»
ծրագրի շրջանակներում` ձիւդո ըմբշամարտի մասնագէտների համար:
Տեսական եւ գործնական պարապմունքները վարում է Ճապոնիայի
առաջատար մասնագէտ, դոկտոր-պրոֆեսոր Կազուշի Կավաուճիյան:
Միջոցառմանը մասնակցում են Երեւանի, Գիւմրիի եւ Հրազդանի
ձիւդո ըմբշամարտի 30 մարզիչներ: Դասընթացները, որի մասնակիցները
կստանան համապատասխան վկայագրեր, կաւարտուեն ապրիլի 28-ին: