ՀՀ ՍՈՑԻԱԼԱԿԱՆ ԱՊԱՀՈՎՈՒԹԵԱՆ ՀԱՄԱԿԱՐԳՈՒՄ ԱՌԱՋԻԿԱՅ ՄԷԿ-ՄԵԿԵՎԿԵՍ
ՏԱՐՈՒՄ ԿՍԿՍԻ ԼԻԱՐԺԷՔ ԳՈՐԾԵԼ «ՄԷԿ ՊԱՏՈՒՀԱՆ»-Ի ՍԿԶԲՈՒՆՔԸ
23-04-2007 18:31:00 | Հայաստան | Հասարակութիւն
ԵՐԵՎԱՆ, 23 ԱՊՐԻԼԻ, ՆՈՅԵԱՆ ՏԱՊԱՆ: Առաջիկայ մէկ-մէկեւկէս տարուայ
ընթացքում ՀՀ Աշխատանքի եւ սոցիալական հարցերի նախարարութեան
համակարգում լիարժէք պիտի գործի «մէկ պատուհանի» սկզբունքը: Այս
մասին «ՆՈՅԵԱՆ ՏԱՊԱՆ»-ի թղթակցին յայտնեց նախարարարության բոլոր
եօթ տեղեկատուական բազաների ստեղծող եւ վարող «Նորք» ՓԲ ընկերութեան
Տեղեկատուական տեխնոլոգիաների վարչութեան պետ Արմէն Աբրահամեանը:
Նրա խօսքերով, սկզբունքի էութիւնն այն է, որ սոցիալական
ծառայութեան ցանկացած կենտրոնում ցանկացած քաղաքացի կկարողանայ
ստանալ սոցիալական ոլորտի օրէնքով չարգելուած ցանկացած
տեղեկատուութիւն եւ ծառայութիւն` ոլորտի բոլոր տեղեկատուական
համակարգերից:
Ըստ Ա.Աբրահամեանի, թէեւ ներկայումս նշուած բոլոր համակարգերն
անխափան աշխատում են, այնուամենայնիւ ծրագրւում են դրանց
արդիականացման աշխատանքներ, որպէսզի լուծուեն տարբեր տեղեկատուական
համակարգերի համատեղելիության, համեմատական վերլուծութիւնների
միջոցով փոխադարձ վերահսկելիության հարցերը: Օրինակ, ընտանեկան
նպաստի, կենսաթօշակային կուտակումների, զբաղվածության եւ
հաշմանդամութեան մասին տուեալները ներառուած են բոլոր չորս
տեղեկատուական համակարգերում: Իսկ նոր օրէնսդրութեան համաձայն, պէտք
է ապահովուի, որ միտումնաւոր կամ պատահական սխալներ չլինեն
սոցիալական համակարգերի տուեալների շտեմարաններում:
Ըստ «Նորքի» ՏՏ վարչութեան պետի, ներկայումս ապահովում է
նաեւ համակարգի տեխնիկական հագեցուածութիւնը: Ա.Աբրահամեանի
խօսքերով, Համաշխարհային բանկի «Սոցիալական պաշտպանութեան ոլորտի
կառավարման» (ՍՊՈԿ) ծրագրի շրջանակներում ստացուել է այնպիսի որակի
եւ քանակի համակարգչային տեխնիկա, որի կիրառումով ՀՀ սոցիալական
կառավարման եւ ծառայութիւնների մատուցման համակարգը տեխնիկական
յագեցուածութեամբ չի զիջի եւրոպական շատ երկրների: Նշուած ծրագրով
նախատեսուած են նաեւ հեռահաղորդակցության արբանեակային միջոցներ,
որոնք անհրաժեշտ են ՀՀ սոցիալական համակարգի բոլոր հիմնարկները մէկ
տեղեղեկատվական ցանցի մէջ միաւորելու համար: Ներկայումս ընթանում
են ցանցի նախագծման աշխատանքները: Մշակtyել են բոլոր եօթ
տեղեկատուական համակարգերի արդիականացման տեխնիկական
առաջադրանքները:
Ա.Աբրահամեանն իր լաւատեսութիւնը հիմնաւորեց սոցիալական
քարտերի համակարգի ներդրման յաջողութիւններով: Նրա նշեց, որ
«դիմողները նոյնիսկ մէկ օրուայ մէջ են ստանում սոցիալական քարտերը`
առանց որեւէ տեխնիկական կամ վարչական քաշքշուկի»: Ներկայումս
Հայաստանում սոցիալական քարտեր ունեցողների թիւը մօտ 2,5 մլն է: