ՀԱՅԱՍՏԱՆՈՒՄ ՏԱՐԱԾՈՒԱԾ Է ԱՌԱՆՑ ՈՐԵՒԷ ՀԻՄՆԱՎՈՐՄԱՆ ՈՐՈՇԱԿԻ
ԺԱՄԿԷՏՈՎ ԱՇԽԱՏԱՆՔԱՅԻՆ ՊԱՅՄԱՆԱԳՐԵՐԻ ԿՆՔՄԱՆ ՊՐԱԿՏԻԿԱՆ
19-04-2007 15:25:00 | Հայաստան | Հասարակութիւն
ԵՐԵՎԱՆ, 19 ԱՊՐԻԼԻ, ՆՈՅԵԱՆ ՏԱՊԱՆ: Հայաստանի Արհմիութիւնների
կոնֆեդերացիան ներկայումս միաւորում է 24 ճիւղային
արհմիութիւններ` 900 ձեռնարկութիւնների տեղական արհկոմներով,
որոնցում, ընդհանուր առմամբ, ընդգրկուած են 300 հազար անդամներ: Այս
մասին «ՆՈՅԵԱՆ ՏԱՊԱՆ»-ի թղթակցին յայտնեց կոնֆեդերացիայի նախագահի
տեղակալ Բորիս Խարատեանը:
Բ.Խարատեանը նշեց, որ արհմիութիւններին զարգանալու
հնարաւորութիւն տուող Աշխատանքային օրէնսգիրքը ընդունուել է
ընդամէնը 2 տարի առաջ: Իսկ 2000թ.-ից գործող արհմիութիւնների
մասին ՀՀ օրէնքը, ըստ նրա, չէր կարգավորում
աշխատող-գործատու-պետութիւն յարաբերութիւնները:
Բ.Խարատյանի համոզմամբ, արհմիութիւնների ոլորտը Հայաստանում
կզարգանա գործատուների միութիւնների կայացմանը զուգընթաց: Նա
նշեց, որ հանրապետութիւնում գործատուների միութիւնները
ձեւաւորուած չեն: Այդ իսկ պատճառով կան ոլորտներ, որտեղ ճիւղային
արհմիութիւնները աշխատում են եւ պայմանագրեր կնքելու
հնարաւորութիւն ունեն միայն առանձին գործատունների հետ:
Կոնֆեդերացիայի նախագահի տեղակալի խօսքերով, աշխատանքային
կոլեկտիւների կողմից հիմնականում բարձրացւում են աշխատանքային
պայմանագրերի վերաբերեալ հարցեր: Բ.Խարատյանի, Հայաստանի
զբաղվածության ոլորտում տարածուած է առանց որեւէ հիմնավորման
որոշակի ժամկէտով աշխատանքային պայմանագրերի կնքումը: «Որոշակի
ժամկէտով պայմանագիր կնքւում է միայն այն դէպքում, երբ աշխատողը
կատարում է ժամկէտով սահմանափակուած որոշակի աշխատանք»,- նկատեց
Բ.Խարատեանը: