ՊՂԾԵԼՈՎ ՀԱՅԿԱԿԱՆ ԵԿԵՂԵՑԻՆ, ԹՈՒՐՔԻԱՆ Ի ԴԵՐԵՎ ՀԱՆԵՑ ԻՐ ԻՍԿ
ՔԱՐՈԶՉՈՒԹՅՈՒՆԸ
06-04-2007 23:55:00 | ԱՄՆ | Յօդուածներ
Յարութ Սասունեան
«Կալիֆոռնեան կուրյեր»-ի հրատարակիչ
Անցած շաբաթ թուրքական կառավարութիւնը վերջապէս իրագործեց
Ախթամար կղզու Սուրբ Խաչ եկեղեցու վերաբացման իր քարօզչական
քայլը, որը շատ գովազդվեց, սակայն վերջ ի վերջոյ ձախողուեց: Դա մի
դասագրքային օրինակ էր այն մասին, թէ ինչպէս չպէտք է քարոզարշավ
իրականացնել:
Իր համար մեծ նշանակութիւն ունեցող այսպիսի մի շոու
կազմակերպելով, Անկարան նպատակ ուներ զարմացնել միջազգային
հանրութեանը` փորձելով ցոյց տալ, որ մինչ հայերը մեղադրում են
թուրքերին իրենց նկատմամբ ցեղասպանութիւն իրագործելու համար,
թուրքական կառավարութիւնն այնքան մեծահոգի եւ գթառատ է, որ իր
սեփական գրպանից 1,5 մլն դոլար է ծախսել` մի հնադարյան հայկական
եկեղեցի վերանորոգելու համար:
Բացարձակ անիրազեկութեան եւ ոչ պակաս չարակամության
հետեւանքով Անկարան փչացրեց այս արարողութեան գրեթէ բոլոր
բաղադրիչները: Թուրք ղեկավարներն իրենց բազում սխալ քայլերով ի
դերեւ հանեցին իրենց իսկ սեփական նպատակները եւ շահերը: Ահա այդ
սխալ քայլերի մի կարճ ցուցակ.
1) Բացման արարողութեան օրը փոխեցին 3 կամ 4 անգամ, այդ կերպ
աշխարհին պարզ դարձնելով, որ Թուրքիան փորձում էր գտնել
քաղաքականապես ամենանպատակայարմար ժամանակը` հնարաւոր առաւելագոյն
քարօզչական արդիւնքի հասնելու համար:
2) «Ագդամար»-ի (sic) բացման արարողութիւնից երկու շաբաթ
առաջ Լոս-Անջելէսի թուրքական գլխաւոր հիւպատոսարանը մեծ թւով
հրաւէրներ էր ուղարկել հայերին: Այս հասցեատերերի ցուցակը վերջերս
էին վերցրել մի «համեստ» հայից, իսկ հրաւէրները ուղարկուել էին
էժանագին դարչնագույն ծրարներով, որոնք նման էին նպարեղենի
խանութներում օգտագործվող թղթե տոպրակներին:
3) Թուրքական լրատվամիջոցներ թափանցեց սփիւռքահայերի
անունների մի կեղծ ցուցակ, որոնք իբրեւ թէ պէտք է ներկայ գտնվերին
բացման արարողութեանը, մինչդեռ իրականում նրանցից ոչ մէկն
Ախթամարում չեղաւ:
4) Անկարայի կողմից Ախթամար հրաւիրուած հայերին «չափաւոր»
պիտակավորելը նպաստեց հայկական համայնքում այդ հայերի հանդէպ
վստահութեան եւ նրանց դիրքերի սասանմանը:
5) Պոլսո հայոց պատրիարք Մեսրոպ Մութաֆեանին ստիպեցին ներկայ
գտնուել արարողութեանը` նրան թոյլ չտալով նոյնիսկ մի աղօթք կարդալ:
6) Հայկական եկեղեցու առաջնորդներին հրաւիրել էին հայկական մի
սուրբ եկեղեցու վերաբացմանը եւ ապա նրանց ասել էին, որ դա լինելու
է մի թանգարան այլ ոչ թէ եկեղեցի եւ որ այնտեղ ոչ մի կրոնական
արարողութիւն տեղի չի ունենալու, խաչ չի լինելու եկեղեցու գմբէթին
եւ այն ոչ մի կապ չի ունենալու Հայոց Պատրիարքարանի հետ:
Զարմանալի չէ, որ պատրիարքից բացի, հայկական եկեղեցու ոչ մի
առաջնորդ, ոչ Հայաստանից եւ ոչ էլ սփիւռքից, չերեւաց այդ
արարողութեանը:
7) Հրաւիրել էին հայկական կառավարութեան բարձրաստիճան
պաշտօնեաների եւ թոյլ չէին տուել սահմանն անցնել, այդպիսով
ստիպելով նրանց 15 ժամում մենքենայով Վրաստանով հասնել Վանա Լիճ,
փոխանակ 4 ժամում Հայաստանից ուղիղ ճանապարհով հասնելու:
8) Արարողութեանը հրաւիրել էին իսրայելցի եւ ամերիկացի
դիւանագէտների, որոնց կառավարութիւնները մերժել էին ճանաչել հայոց
ցեղասպանութիւնը:
9) Մերժել էին աշխարհահռչակ ամերիկահայ դաշնակահար Շահան
Արծրունու (նախկինում ստամբուլաբնակ)` Ախթամար կղզում բացման
արարողութեանը ելոյթ ունեալու առաջարկը: Փոխարենը պայմանաւորուել
էին մի թուրք դաշնակահարի հետ, ով նվագեց թուրքական, հրեական եւ
հայկական երաժշտություն:
10) Ախթամար կղզում ամէնուր բարձրացրել էին թուրքական
հսկայական դրօշներ, այդ թւում նաեւ մի մեծ դրօշ էլ եկեղեցու պատին`
Աթաթուրքի մի մեծ պատկերի հետ միասին:
11) Երբ մի քանի կրոնապաշտ հայ այցելուներ եկեղեցու ներսում
մոմեր վառեցին, թուրքական անվտանգութեան ծառայողներն անմիջապէս
հանգցրեցին բոլոր մոմերը ու բռնագրաւել դրանք:
12) Երբ Թուրքիայի մշակոյթի նախարար Աթիլա Քոչին հարցրին, թէ
արդեօք տարին մէկ անգամ կարող է ծես անցկացուել վերակառուցուած
եկեղեցում, նա պատասխանեց` թէ ինքը սպասում է արտգործնախարարութեան
որոշմանը, այդ կերպ բացարձակապէս պարզ դարձնելով, որ ամբողջ
արարողութիւնը մի մեծ քաղաքական թամաշա էր:
Եթէ Թուրքիան ցանկանում էր տպաւորութիւն գործել միջազգային
հանրային կարծիքի վրայ եւ դէեպ իրեն տրամադրեր ողջ աշխարհի հայերին,
նա պէտք է անէր ճիշտ հակառակը, ինչ արեց: Ինչպէս հայկական եկեղեցու
մի առաջնորդ վերջերս տողերիս հեղինակին ասել էր, եթէ թուրքերն
իրականում ցանկանում էին բարեկամաբար վերաբերուել հայերին, ապա
թուրքական դրոշների եւ Աթաթուրքի պաստառների փոխարէն նրանք Սուրբ
Խաչ եկեղեցում պէտք է ամէնուր խաչեր դնեին: Հայերի վրայ
տպաւորութիւն գործալու փոխարէն, Թուրքիան իրականում վերջին հաշւով
նրանց վիրավորեց` պղծելով նրանց պատմական հայկական եկեղեցին!
«Թըրքիշ դեյլի նիւզ» -ում հրապարակուած իր
մեկնաբանություններում Ջենգիզ Չանդարը շատ կոպիտ բառեր օգտագործեց
թուրք ղեկավարների հասցէին: Ախթամարում նրանց *ործողությունները
Ջենգիզ Չանդարը որակել էր իբրեւ «անարգանք» եւ նոյնիսկ
«մշակոյթային ցեղասպանութիւն»: Միշտ կարելի է յուսալ, որ թուրք
պաշտօնեաները ի դերեւ կը հանեն իրենց երկրի շահերը: Ահա թէ ինչու
նրանց յաճախ յիշատակում են որպէս «հրոսակախումբ, որը չի կարող
ուղիղ կրակել»: