ՀԱՅԱՍՏԱՆՈՒՄ ՄՇԱԿՒՈՒՄ Է ԶԲԱՂՎԱԾՈՒԹՅԱՆ ՈԼՈՐՏԻ ԱԶԳԱՅԻՆ
ՌԱԶՄԱՎԱՐԱԿԱՆ ԾՐԱԳԻՐ
04-04-2007 15:08:00 | Հայաստան | Հասարակութիւն
ԵՐԵՎԱՆ, 4 ԱՊՐԻԼԻ, ՆՈՅԵԱՆ ՏԱՊԱՆ: Ապրիլի 4-ին Երեւանում
անցկացուեց «Սոցիալական գործընկերութիւնը Հայաստանում» թեմայով
մէկօրեայ սեմինար` նուիրուած «Զբաղվածության պետական ծառայութիւն»
գործակալութեան 15-ամեակին: Ինչպէս նշեց գործակալութեան պետ Սոնա
Յարութիւնեյանը, 2006թ.-ի յունուարից գործող «Բնակչութեան
զբաղվածության եւ գործազրկութեան դէպքում սոցիալական պաշտպանութեան
մասին» օրէնքը էական դերակատարում է ունեցել զբաղվածության
ոլորտում բարեփոխումների իրականացման գործում: Նա յայտնեց, որ
ներկայումս մշակւում է զբաղվածության ոլորտի ազգային ռազմավարական
ծրագիր, որը ՀՀ կառավարութեան հաստատմանը կներկայացուի 2008թ.-ին:
Գործակալութեան Աշխատաշուկայի վերլուծութեան եւ կանխատեսման
բաժնի պետ Անահիտ Փարսադանյանը նշեց, որ մարտի 1-ի դրութեամբ
հանրապետութիւնում գործազրկութեան մակարդակը կազմել է 7,2%, ինչը
նախորդ տարուայ նոյն օրուայ համեմատ նուազել է 5%-ով: Ըստ նրա, նոյն
ամսին գործակալութիւնում հաշւառուած են 102,6 հազար աշխատանք
փնտրողներ, իսկ ամսուայ ընթացքում գործատուների կողմից ներկայացուել է
թափուր աշխատանքի 1400 տեղ` հիմնականում բանուորական
մասնագիտութիւնների գծով: Յունուար-փետրուարին աշխատանքի է
տեղաւորուել 650 գործազուրկ, որոնցից 56%-ը` կանայք են: