ԵՐԵՎԱՆ, 19 ՄԱՐՏԻ, ՆՈՅԵԱՆ ՏԱՊԱՆ: «Սպառողների իրաւունքների
պաշտպանութիւն» (ՍԻՊ) հասարակական կազմակերպութիւնը անցկացնելու
է «Իմ ձայնը որոշիչ է» կարգարգսեյ քարոզարշավ, որի հիմնական
նպատակն է մայիսի 12-ի խորհրդարանական ընտրութիւններին ընտրողների
մասնակցութեան ապահովումը: Այս մասին «ՆՈՅԵԱՆ ՏԱՊԱՆ»-ի թղթակցին
յայտնեց կազմակերպութեան նախագահ Աբգար Եղոյանը:
Նրա խօսքերով, քարոզարշավի միւս նպատակը լինելու ընտրողներին
կողմնորոշել կուսակցութիւնների նախընտրական ծրագրերում սպառողների
իրաւունքների պաշտպանութեանն առնչուող դրոյթների առկայութեան
հարցում: Բացի այդ, կազմակերպութեան աջճակցությամբ ընտրողները
թեկնածուների առջեւ կբարձրացնեն սպառողների իրաւունքներին առնչուող
հարցեր:
Ա.Եղոյանը յիշեցրեց, որ ՍԻՊ-ի նախաձեռնութեամբ 2003թ.-ի
սեպտեմբերի 28-ին ՀՀ Ազգային Ժողովում ստեղծուել է Սպառողների
իրաւունքների պաշտպանութեան պատգամաւորական համագործակցութիւն,
որի կազմում են ՀՅԴ, ՀՀԿ, ՕԵԿ խմբակցութիւնների եւ
«Ժողպատգամաւոր» խմբի ներկայացուցիչներ: