ՄԵՐ ԻՐԱԿԱՆՈՒԹԵԱՆ ՄԷՋ ԱՆԴՐԱՆԻԿ ՅԱՐՈՒԹԻՒՆԵԱՆԻ ՆՄԱՆ
ՏՂԱՆԵՐԻ ՊԱԿԱՍԸ ՇԱՏ Է ԶԳԱՑՎՈՒՄ,- ԱՍՈՒՄ Է ՌՈՄԻԿ ՄԽԻԹԱՐԵԱՆԸ
15-03-2007 19:35:00 | Հայաստան | Մշակոյթ
ԵՐԵՎԱՆ, 15 ՄԱՐՏԻ, ՆՈՅԵԱՆ ՏԱՊԱՆ: «Անդրանիկ Յարութիւնեյանը
Արցախեան ազատամարտի նվիրյալներից էր: Նա իր վանեցի պապից ժառանգել
էր հայապաշտություն, հայրենասիրութիւն, եւ այդ պատճառով նա
Արցախեան ազատամարտի առաջին իսկ օրերից մեկնեց Բերդաձոր`
կազմակերպելով շրջանի ինքնապաշտպանութիւնը»: Այս մասին նշեց
արձակագիր Սասուն Գրիգորեանը մարտի 15-ին Հայաստանի Գրողների
միութիւնում կայացած «Բերդաձորի Անդրանիկ» գրքի շնորհանդէսի
ժամանակ:
Ըստ հեռուստալրագրող Կարեն Քոչարեանի, Ա.Յարութիւնեանի նման
հայրենասէրներ քիչ կան. թէեւ նա հոգով արուեստագէտ էր, բայց ամէն
ինչ թողեց եւ զենքը ձեռքին ելաւ պայքարի եւ գիտակցաբար գնաց
նահատակվելու: «Անդրանիկը մի ժայռ էր, հզօր մի անձնաւորութիւն,
որի կարիքը այսօր զգացվում է»,- նշեց Կ.Քոչարեանը:
ԵԿՄ-ի վարչութեան նախագահի խորհրդական, փոխգնդապետ Ռոմիկ
Մխիթարեանի խօսքերով, մեր իրականութեան մէջ Անդրանիկի նման տղաների
պակասը շատ է զգացվում: «Ափսոս, որ նա ժամանակից շուտ հեռացաւ
կեանքից, քանի որ եւ պատերազմում, եւ պետութեան կառուցման գործում
մեծ անելիքներ ուներ»,- ընդգծեց փոխգնդապետը:
«Զորավար Անդրանիկ» միութեան կողմից Ա.Յարութիւնյանին
հետմահու շնորհուեց «Զորավար Անդրանիկ» հուշամեդալ: Արձակագիր
Ս.Գրիգորեանը այն յանձնեց ազատամարտիկի որդուն` Վահագն
Յարութիւնյանին: