ԵՐԵՎԱՆ, 14 ՓԵՏՐՈՒԱՐԻ, ՆՈՅԵԱՆ ՏԱՊԱՆ: ՀՀ նախագահ Ռոբերտ Քոչարեանի փետրուարի 13-ի հրամանագրով գեներալ-մայոր Սեդրակ Սարոյանն ազատուել է ՀՀ Պաշտպանութեան նախարարութեան 4-րդ բանակային կորպուսի հրամանատարի պաշտօնից: Այս մասին «ՆՈՅԵԱՆ ՏԱՊԱՆ»-ին յայտնեցին ՀՀ նախագահի Մամլոյ գրասենեակից: Նշենք, որ ըստ հաւաստի աղբիւրներից ստացուած տեղեկութիւնների, Ս.Սարոեանը պաշտօնից հեռանալու դիմում է ներկայացրել մայիսի 12-ին կայանալիք խորհրդարանական ընտրութիւններին մեծամասնական ընտրակարգով առաջադրուելու նպատակով: Հաւանական է, որ նա իր թեկնածությունն կառաջադրի Գեղարքունիքի մարզի Մարտունի քաղաքում: Յիշեցնենք, որ Ս.Սարոեանը խորհրդարանական ընտրութիւններին մասնակցելու նպատակով ՀՀ ՊՆ համակարգից հեռանալու ցանկութիւն յայտնած երկրորդ բարձրաստիճան պաշտօնեան է: Աւելի վաղ պաշտօնից հեռանալու եւ ՀՅԴ-ի համամասնական ցուցակում ընդգրկվելու ցանկութիւն էր յայտնել պաշտպանութեան փոխնախարար, գեներալ-լեյտենանտ Արթուր Աղաբէկեանը:

---