Ոստիկանութեան ակադեմիայի ուսանողը ինքնասպանութիւն գործելու
նպատակով ցած է նետուել 5-րդ հարկից
20-01-2010 21:12:00 | Հայաստան | Հասարակութիւն
ԵՐԵՎԱՆ, 20 ՅՈՒՆՎԱՐԻ, ՆՈՅԵԱՆ ՏԱՊԱՆ: Յունվարի 19-ի ժամը
9.35-ին, ինքնասպանութիւն գործելու նպատակով, ՀՀ ոստիկանութեան
ակադեմիայի 1-ին կուրսի ուսանող, 1993թ.-ին ծնուած Վիլիկ Գրիգորեանը
ցած է նետուել ակադեմիայի ուսումնական մասնաշէնքի 5-րդ հարկի
լսարանից:
Ակադեմիայի ղեկավարութեան եւ դասախօսների վկայութեամբ,
Վ.Գրիգորեանն ընթացիկ ստուգարքները բարեյաջող էր յանձնել, առաջին
քննութիւնից ստացել էր լաւ գնահատական, եւ որեւէ հոգեկան շեղում
նրա վարքագծում չի նկատուել: Ըստ բժշկի տեղեկանքի, ինքը`
Վ.Գրիգորեանը, ներկայումս ի վիճակի չէ հաղորդում տալու:
Դէպքի հանգամանքները պարզւում են, կատարւում է
նախաքննություն: ՀՀ ոստիկանութեան պետի հրամանով նշանակուել է
ծառայողական քննություն: