Իրանահայերը կազմակերպել են ՄԱԿ-ի Ցեղասպանութեան մասին
կոնվենցիայի 61-ամեակին նուիրուած միջոցառում
21-12-2009 16:50:00 | | Հասարակութիւն
ԹԵՀՐԱՆ, 21 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Դեկտեմբերի 19-ին «Արարատ» մարզաւանի «Վաչիկ Ղարաբեգյան» սրահում
տեղի է ունեցել «Ցեղասպանութեան ոճրագործութիւնը կանխելու եւ դրա
համար պատիժ սահմանելու մասին» ՄԱԿ-ի կոնվենցիայի 61-ամեակին
նուիրուած ծրագիրը: Ինչպէս տեղեկացնում է «Ալիքը», միջոցառումը
կազմակերպուել է Իրանում ՀՀ դեսպանատան նախաձեռնութեամբ եւ Թեհրանի
հայոց թեմի առաջնորդ Սեպուհ արքեպիսկոպոս Սարգսեյանի
հովանաւորութեամբ:
Ելոյթ են ունեցել Իրանում ՀՀ արտակարգ եւ լիազօր դեսպան
Գրիգոր Առաքելեանը, Իրանում ՄԱԿ-ի գրասենեակի ղեկավար-համակարգող
Սունիլ Նարոլան եւ Թեհրանի հայոց թեմական խորհրդի ատենապետ Աիդա
Յովհաննիսեանը:
Ծրագրի գեղարուեստական բաժնում հանդէս են եկել Երեւանի
Կոմիտասի անուան քառեակի թավջութակահար Արամ Թալալյանը եւ
դաշնակահար Ջուլիետա Վարդանեանը` հայ եւ օտարազգի կոմպոզիտորների
ստեղծագործությունների կատարմամբ: Ելոյթ է ունեցել նաեւ «Արարատ»
կազմակերպութեան «Արարատ» երգչախումբը` Արաքս Խաչատրեանի
ղեկավարութեամբ:
Միջոցառման եզրափակիչ խօսքով հանդէս է եկել Թեհրանի հայոց
թեմի առաջնորդ Սեպուհ արքեպիսկոպոս Սարգսեանը:
Սրահում կազմակերպուել է նաեւ Արեւմտյան Հայաստանում ժամանակին
գոյութիւն ունեցած, այսօր աւերուած կամ ոչնչացուած հայկական
յուշարձանների լուսանկարների ցուցահանդէս: