«Միսսիս Գլոբ 2009» մրցոյթի յաղթող է ճանաչուել Գոհար
Յարութիւնեյանը
18-12-2009 17:15:00 | | Մշակոյթ
ԲՐԱՏԻՍԼԱՒԱ, 18 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Տասը տարի անց հայազգի գեղեցկուհի, նախկին Միսս Հայաստան 1998 եւ
Միսս Համագործակցութիւն 1999 Գոհար Յարութիւնեյանը վերստին
գեղեցկութեան պատուանդանին է: Երկու երեխաների մայր Գոհարը յաղթող է
ճանաչուել Բրատիսլաւայում դեկտեմբերի 13-ին կայացած ամուսնացած
կանանց «Միսսիս Գլոբ 2009» գեղեցկութեան հերթական մրցոյթում:
Ինչպէս հաղորդում են ԶԼՄ-ները, սա Հայաստանի ներկայացուցչի առաջին
յաղթանակն է նմանօրինակ մրցույթներում եւ երրորդը գեղեցկութեան
միջազգային մրցոյթների անցկացման ողջ պատմութեան ընթացքում:
Մրցոյթում Գոհարին ուղեկցում եւ աջակցում էր ամուսինը` Միխայիլ
Թումասյանը: