Իրանահայերը գնահատագրեր են ստացել Իրանի մշակոյթի եւ
իսլամական առաջնորդութեան նախարարութեան կողմից
19-11-2009 17:10:00 | | Հասարակութիւն
ԹԵՀՐԱՆ, 19 ՆՈՅԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: Իրանի
մշակոյթի եւ իսլամական առաջնորդութեան նախարարութեան
նախաձեռնութեամբ, Գրքի շաբաթուայ առիթով «Սարայե ահլե ղալամ»
կենտրոնում նոյեմբերի 18-ին տեղի է ունեցել Իրանի կրոնական
փոքրամասնությունների մտաւորականութեան, գրողների, մամուլի եւ
հրատարակչութիւնների ներկայացուցիչների հանդիպում: Ինչպէս
տեղեկացնում է «Ալիքը», հանդիպմանը ներկայ են եղել
փոքրամասնությունների հոգեւորականներ եւ իսլամական խորհրդարանի
պատգամաւորներ: Ի թիւս միւս համայնքների մտաւորականութեան,
գնահատագրեր են ստացել արուեստագէտ Ժանետ Լազարեանը, բանաստեղծուհի
Ծաղկանույշ Ծատուրեանը, գրող-թարգմանիչ Խաչիկ Խաչերը, բանասէր
Անդրանիկ Հովույանը եւ համալսարանի դասախօս Մկրտիչ Թումանյանը:
«Ալիքը» եւս պարգեւատրուել է իր հրատարակման 80-ամեակի շեմին
գտնուելու առիթով: