Հրատարակուել են «Հայոց պատերազմները եւ ռազմարվեստը»
մատենաշարի առաջին երկու հատորները
17-11-2009 17:32:00 | Հայաստան | Հասարակութիւն
ԵՐԵՎԱՆ, 17 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Հայաստանի ԳԱԱ-ն Հայոց
ցեղասպանութեան թանգարան-ինստիտուտի տնօրէն, պատմաբան Հայկ
Դեմոյանի «Հայոց պատերազմները եւ ռազմարվեստը» մատենաշարի առաջին
եւ երկրորդ հատորները` «Հայկական լեռնաշխարհի բրոնզեդարյան
սպառազինությունն ու ռազմարվեստը», «Վանի թագաւորութեան
պատերազմներն ու ռազմարվեստը», նոյեմբերի 17-ին ներկայացուեցին ՀՀ
Պաշտպանութեան նախարարութիւնում կազմակերպուած հանդիպմանը:
Պաշտպանութեան նախարարութեան աջակցութեամբ Հ.Դեմոյանի
ղեկավարած ստեղծագործական խումբն առաջիկայ տարիներին հրատարակութեան
կպատրաստի 50 հատորից բաղկացած մատենաշարի յաջորդ հատորները:
2010թ.-ին կհրատարակուեն մատենաշարի երրորդ` «Երվանդունիների եւ
Արտաշեսյանների պատերազմները», եւ չորրորդ` «Տիգրան Մեծի
պատերազմներն ու ռազմավարութիւնը», հատորները: Բացի այդ, արդէն
գրեթէ պատրաստ է յաջորդ 25 հատորների համար անհրաժեշտ նիւթը:
Ինչպէս նշեց պաշտպանութեան նախարար Սերյան Օհանյանը,
մատենաշարը կոչուած է նորովի եւ գիտական պատշաճ մակարդակով
լուսաբանելու հայոց ռազմարուեստի բազմադարեայ պատմութեան բոլոր
շրջափուլերը:
Ըստ Հ.Դեմոյանի, այս ուղղութեամբ ինքը սկսել է աշխատել դեռեւս
2006թ.-ից, իսկ աշխատանքների վերջնական նպատակն է նպաստել հայ
ռազմարուեստի պատմութեան թանգարանի ստեղծմանը: Նա յայտնեց, որ
մատենաշարում կներկայացուի հայ ռազմարուեստի, սպառազինութեան,
նշանաւոր ճակատամարտերի պատմութիւնը: Հ.Դեմոյանի խօսքերով,
նախագծի նպատակն է հայ եւ օտարազգի ընթերցողին հանրամատչելի կերպով
ներկայացնել մինչ օրս քիչ յայտնի, իսկ որոշ դէպքերում անգամ անյայտ
տեղեկութիւններ, փաստեր, հայ եւ օտար աղբիւրների վկայութիւններ
հայ ռազմարուեստի պատմութեան մասին: «Նախագիծը կոչուած է
ամբողջացնելու հայ զինուժի, ռազմական կառոյցի ամփոփ պատմութիւնը`
հնագոյն ժամանակներից մինչեւ մեր օրերը»,- ասաց նա:
Նախատեսւում է մատենաշարը հրատարակել նաեւ ռուսերենով եւ
անգլերէնով: