Հրանուշ Յակոբեան. «Մէկ ազգ, մէկ մշակոյթ»-ը Հայրենիքը եւ
Սփիւռքը կամրջող ամենագեղեցիկ օղակներից մէկն է
13-11-2009 22:30:00 | Հայաստան | Հասարակութիւն
ԵՐԵՎԱՆ, 13 ՆՈՅԵՄԲԵՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Նոյեմբերի
13-ին Երեւանի Կամերային երաժշտութեան տանը մեծ շուքով նշուեց «Մէկ
ազգ, մէկ մշակոյթ» հիմնադրամի 5-րդ տարեդարձը:
Հիմնադրամի հոգաբարձուների խորհրդի նախագահ ՀՀ սփիւռքի
նախարար Հրանուշ Հակոբեանն իր ելոյթում նշեց, որ հիմնադրամի
կազմակերպած «Մէկ ազգ, մէկ մշակոյթ» փառատոնները դարձել են
Հայրենիքն ու Սփիւռքը կամրջող ամենագեղեցիկ օղակներից մէկը: Տիկին
Հակոբեանն ընդգծեց, որ բազմադարեայ հարուստ մշակոյթ ունեցող հայ
ազգը ներքին եւ արտաքին մարտահրավերների դիմակայելով` «աւելի է
համախմբուել, բռունցքվել, ոգեւորուել եւ աւելի արժանապատվորեն է իր
ազգային խնդիրներին տեր կանգնել»:
Գերատեսչութեան ղեկավարի համոզմամբ, մշակոյթը հայ ազգի
շաղախն ու ողնաշարն է, անձնագիրը, «եւ հայերս` որպէս փոքրաթիվ ազգ,
մեր դիմագիծը, արմատը, ինքնութիւնը պահապանելու համար պէտք է
մշակոյթով դիմակայենք համաշխարհայնացման եւ ազատականացման դարում
ապրող, արագ «փոքրացող» եւ փոփոխվող աշխարհի մարտահրավերներին»:
Սփիւռքում հայ ինքնութիւնը պահպանելու առումով տիկին Յակոբեանը
կարեւորեց Հայաստան պետութեան դերը, որ պէտք է լինի համախմբող
կենտրոնաձիգ ուժը:
ՀՀ սփիւռքի նախարարութիւնից ստացուած հաղորդագրութեան
համաձայն, տոնակատարության շրջանակներում ցուցադրվեց «Մէկ ազգ, մէկ
մշակոյթ» հիմնադրամի կողմից 2005թ. կազմակերպած առաջին փառատոնի
մասին ֆիլմ: Հիմնադրամի 5-րդ տարելիցի միջոցառումն ուղեկցվեց
համերգային ծրագրով: