«WorleyParsons» միջազգային կոնսորցիումը Հայաստանի
կառավարութեանն է ներկայացրել նոր միջուկային էներգաբլոկի
տեխնիկական աշխատանքների հիմնավորման նախագիծը
16-10-2009 21:08:00 | Հայաստան | Տնտեսութիւն
ԵՐԵՎԱՆ, 16 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանում նոր
միջուկային էներգաբլոկիկառուցման ծրագրի իրականացման նպատակով
յայտարարուած մրցոյթում յաղթող ճանաչուած աուստրալիական
«WorleyParsons» միջազգային կոնսորցիումն արդէն կառավարութեան
քննարկմանն է ներկայացրել տեխնիկական աշխատանքների հիմնավորման
առաջին նախագիծը: Այս մասին հոկտեմբերի 16-ին ՀՀ կառավարութիւնում
տեղի ունեցած ասուլիսում յայտնեց ՀՀ էներգետիկայի եւ բնական
պաշարների նախարար Արմէն Մովսիսեանը: Քննարկման արդիւնքում, ըստ
Ա.Մովսիսեանի, վերջնականապէս կընտրուի նոր ատոմային էներգաբլոկի
կառուցուածքը: Ըստ նրա, ատոմակայանը ունենալու է մի քանի
ներդրողներ:
Պասխանելով այն հարցին, թէ արդեօ՞ք ճիշտ է, որ Հայաստանին
մատակարարւող գազի գնի իջեցման դիմաց ատոմակայանի կառավարման
մենաշնորհը տրվելու է Ռուսաստանին, Ա.Մովսիսեանը ասաց. «Ես նման
բան պաշտօնապէս չեմ լսել: Եվ չեմ կարծում, որ նրանք նման հարց
կբարձրացնեն»:
Ինչ վերաբերում է Ռուսաստանից ներկրւող գազի գնի իջեցմանը,
Ա.Մովսիսեանը նշեց, որ ներկայումս Ռուսաստանի հետ բանակցութիւններ
են վարւում` փորձելով հնարաւորութեյան սահմաններում աւելի «մեղմ»
գին սահմանել: