Հայաստանում ստեղծուել է ազգային երիտասարդական
քաղաքականութեան խորհուրդ
16-10-2009 20:36:00 | Հայաստան | Հասարակութիւն
ԵՐԵՎԱՆ, 16 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի վարչապետի
որոշմամբ ստեղծուել է ազգային երիտասարդական քաղաքականութեան
խորհուրդ: Ինչպէս հոկտեմբերի 16-ին ՀՀ կառավարութիւնում կայացած
ասուլիսում նշեց ՀՀ սպորտի եւ երիտասարդության հարցերի փոխնախարար
Արսէն Քարամյանը, նորաստեղծ խորհուրդը հնարաւորութիւն կտայ պետական
երիտասարդական քաղաքականութեան ոլորտում արմատական փոփոխութիւններ
իրականացնել` հիմքում ունենալով երիտասարդների, նրանց կազմակերպած
խմբերի` հանրային կեանքի ամենատարբեր ոլորտներում մասնակցութեան
խթանումը` որակական նոր մակարդակով:
Խորհրդի ստեղծման հիմքում ամենակարեւորը համակառավարման
սկզբունքն է. խորհրդում հաւասար թւով ներկայացուելու են
կառավարութեան համապատախան գերատեսչութեան եւ հասարակական սեկտորի
ներկայացուցիչները: Խորհրդի նախագահը ՀՀ վարչապետն է, իսկ խորհրդի
քարտուղարը կընտրուի հասարակական սեկտորից:
Ա.Քարամյանի խօսքերով, խորհրդում լուծում են ստանալու
երիտասարդների բոլոր այն խնդիրները, որոնք դուրս են սպորտի եւ
երիտասարդության հարցերի նախարարութեան տիրույթից: Այսինքն,
խորհուրդն ապահովելու է բազմասեկտոր կապ` բոլոր ոլորտների
խնդիրների կարգաւորմամբ զբաղուող գերատեսչութիւնների հետ:
Ա.Քարամյանը տեղեկացրեց, որ այս տարուայ համեմատ պետբիւջէից
յաջորդ տարի դրամաշնորհների համար նախատեսւող գումարն աւելացուել է
երեք անգամ եւ հասցուել 60 մլն դրամի: Ինչ վերաբերում է ԵԽ
երիտասարդական հիմնադրամից Հարաւային Կովկասի երկրներին տրամադրուող
դրամաշնորհների ծալավում Հայաստանին աւելի քիչ միջոցների
տրամադրմանը, ապա, ըստ Ա.Քարամյանի, դա պայմանաւորուած է այն
հանգամանքով, որ երիտասարդական կազմակերպութիւնները պասիվ են եւ
չեն կարողանում ներկայացնել միջազգային չափանիշներին
համապատասխանող ծրագրեր: Նշենք, որ հարեւան երկրների
համեմատութեամբ Հայաստանին 2006թ.-ին տրամադրվել էր մօտ տասն անգամ
քիչ դրամաշնորհ (Ադրբեջանին` 260 հազար եւրօ, Վրաստանին` 167
հազար, իսկ Հայաստանին` 26 հազար 500 եւրօ):
Ա.Քարամյանը պետական երիտասարդական քաղաքականութեան
տիրույթում կարեւորեց նաեւ տնտեսութիւնում երիտասարդների
ներգրավվածության խթանումը, երիտասարդ գործարարների ակտիւացումը:
Փոխնախարարը նշեց նաեւ, որ Հայաստանում երիտասարդներն առաւելապէս
ներգրաւուած են քաղաքական ոլորտում:
Ա.Քարամյանը նշեց նաեւ, որ խորհրդի առաջին նիստը տեղի կունենայ
նոյեմբերի առաջին տասնօրեակում, որին կմասնակցի ԵԽ-ի Սսպորտի եւ
երիտասարդության հարցերի բաժնի գլխաւոր տնօրէնը: