«Ամերիան» հարցում կանցկացնի Հայաստանի խոշոր հարկատուների
շրջանում
02-10-2009 13:32:00 | Հայաստան | Տնտեսութիւն
ԵՐԵՎԱՆ, 2 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի Էկոնոմիկայի
նախարարութեան պատուէրով «Ամերիա» ՓԲԸ-ն կանցկացնի հարցում
Հայաստանի խոշոր հարկատուների շրջանում: Այն նախաձեռնուել է
Համաշխարհային բանկի Ինստիտուցիոնալ զարգացման հիմնադրամի կողմից`
Հայաստանին տրուած դրամաշնորհի շրջանակներում:
Հարցումը անմիջական ազդեցութիւն կունենայ դրամաշնորհի
հիմնական նպատակի իրականացման վրայ. այն է` նպաստել ՀՀ Էկոնոմիկայի
նախարարութեան վերլուծական աշխատանքների զարգացմանը` ՀՀ խոշոր
հարկատուների հարցման արդիւնքների հիման վրայ տրամադրելով
արժանահավատ տեղեկատուութիւն Ընդհանուր հաւասարակշռութեան
հաշւողական (ԸՀՀ) մոդելի համար:
ԸՀՀ հայկական մոդելը կօգտագործուի հարկային քաղաքականութեան
փոփոխութիւնների ազդեցութիւնը Հայաստանի մասնաւոր սեկտորում
վերլուծելու նպատակով: Այն նաեւ հիմք կծառայի Հայաստանի
տնտեսութեան եւ տնտեսական աճի յետագայ վերլուծութիւններն
իրականացնելու համար:
Ըստ ընկերութեան տրամադրած հաղորդագրութեան, այս նախագծի
շրջանակներում «Ամերիան» կառանձնացնի հարցման ընտրանքային
ուղղութիւնները, կմշակի հարցման անցկացման մեթոդները, տուեալների
մուտքագրման եւ վերլուծութեան միջոցները, ինչպէս նաեւ կներկայացնի
հարցման արդիւնքների վերաբերեալ վերջանական վերլուծական
հաշուէտւութիւն:
ԴԱՍ. ՀԱՅԵՐԵՆ 
Հայերեն
Русский
English
French