ԵՐԵՎԱՆ, 30 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: ՀՀ Սփիւռքի
նախարարութեան նախաձեռնութեամբ անգլերէն եւ հայերէն լեզուներով
տպագրության է պատրաստուել ՀՀ օրէնսդրութեանը նուիրուած ձեռնարկ: Այս
մասին յայտնեց ՀՀ սփիւռքի նախարար Հրանուշ Յակոբեանը սեպտեմբերի
30-ին` նախարարութեան մէկ տարուայ գործունէութեան ամփոփմանը նուիրուած
ասուլիսում: Ըստ նրա, այդ ձեռնարկը օգտակար կլինի Հայաստանում
ներդրումներ կատարողների համար: «Այն կդառնայ յուրօրինակ ուղեցոյց
բոլոր ներդրողների համար»,- ասաց նախարարը:
Ըստ Հ.Յակոբեանի, առաջիկայում կտպագրուի «Սովորենք մեծերից»
ասացվածքների եւ առակների ժողովածուն: Բացի այդ, կազմւում է եւ
կհրատարակուի Տոնացույց-օրացույց, որում կընդգրկուեն Հայոց
պատմութեան բոլոր յիշարժան իրադարձութիւնները, տոները, տարեթվերն
ու ամսաթվերը: Պատրաստւում է հրատարակման նաեւ «Սփիւռքի
տարեգիրք»-ը:
Նախարարը յայտնեց, որ նախատեսւում է հրատարակել աշխարհի
տարբեր երկրներում Հայոց ցեղասպանութեան զոհերի յիշատակին նուիրուած
հուշակոթողների ալբոմ: Այն նուիրուած կլինի Հայոց ցեղասպանութեան 100
ամեայ տարելիցին: Բացի այդ, նախատեսւում է պատրաստել այդ
հուշաքարերի, յուշարձանների մանրակերտը եւ տեղադրել Մեծ եղեռնի
զոհերի յուշահամալիրում:
Հ.Յակոբեանը նշեց, որ նախարարութիւնում մշակւում է
«Հայրենադարձութեան մասին» ՀՀ օրէնքի հայեցակարգ, որը ներառում է
հայրենադարձութեան կազմակերպման եւ իրականացման ծրագիր, այլալեզու
եւ այլակրոն հայերի հետ տարւվող աշխատանքների ծրագիր-հայեցակարգ,
ինչպէս նաեւ գիտականօրէն ուսումնասիրւում է հայ ընտանիքի դերը
հայապահպանութեան գործում: