Յարուցուել է քրէական գործ սահմանային հսկիչ կէտերի կառուցման
աշխատանքներն իրականացնելիս յաւելագրումներ կատարելու դէպքի առթիւ
28-09-2009 18:42:00 | Հայաստան | Հասարակութիւն
ԵՐԵՎԱՆ, 28 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: ՀՀ Գլխաւոր
դատախազութեան Պետական շահերի պաշտպանութեան վարչութիւնում
յարուցուել է քրէական գործ` Գիւղատնտեսութեան նախարարութեան
անասնաբուժական եւ բոյսերի կարանտինի Բագրատաշէնի եւ Բաւրայի
սահմանային հսկիչ կէտերի կառուցման աշխատանքներն իրականացնելիս
յաւելագրումներ կատարելու եւ պետութեանը աւելի քան 22,5 մլն դրամի
վնաս պատճառելու դէպքի առթիւ:
Ըստ ՀՀ Գլխաւոր դատախազութեան մամուլի ծառայութեան
հաղորդագրութեան, Գիւղատնտեսութեան նախարարութիւնից ստացուած
նիւթերի ուսումնասիրութեամբ պարզուել է, որ նշուած սահմանային հսկիչ
կէտերի կառուցման աշխատանքների կատարումն ստանձնել է «ՎԼՀԱՔ» ՍՊ
ընկերութիւնը, որը ստացել է 2005թ. սեպտեմբերի 13-ի պայմանագրերով
նախատեսուած 185 մլն 540 հազար 780 դրամ գումարը:
Ընկերութեան տնօրէն Հ.Քեթցյանը 2008թ.-ի յունվարի 26-ի
կատարողական ակտերում կեղծ տվյալներ ներառելու միջոցով հավելագրել
է փաստացի չկատարված 22 մլն 549 հազար 280 դրամի աշխատանքներ եւ
հսկիչ կէտերի կառուցման աշխատանքների նկատմամբ տեխնիկական
հսկողութիւն իրականացնող «Միրզոեան եւ որդիներ» ՍՊ ընկերութեան
աշխատակից Ս.Թովմասեանի օժանդակությամբ խաբէութեամբ յափշտակել է
պետութեան առանձնապէս խոշոր չափերի դրամական միջոցները:
Բոյսերի կարանտինի եւ երկրագործության պետական տեսչության
պետ Վ.Գյուլզադյանը, հանդիսանալով վերը նշուած պայմանագրերի
կատարման նկատմամբ հսկողութիւն իրականացնող պաշտօնատար անձ,
պաշտօնական դիրքն օգտագործել է ծառայութեան շահերին հակառակ եւ
ստորագրել փաստացի չկատարված աշխատանքների հավելագրումներով
կատարողական ակտերը: Այդպիսով պետութեանը պատճառուել է 22 մլն 549
հազ. 280 դրամի էական նիւթական վնաս: