Քաղաքացիների նկատմամբ բռնութիւններ գործադրած ոստիկանների
գործով
25-09-2009 20:44:00 | Հայաստան | Հասարակութիւն
ԵՐԵՎԱՆ, 25 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Քաղաքացիների նկատմամբ
2008թ.-ի մարտեան դէպքերի ժամանակ բռնութիւններ գործադրած
ոստիկանների գործով Երեւանի Կենտրոն եւ Նորք-Մարաշ համայնքների
ընդհանուր իրաւասութեան դատարանի սեպտեմբերի 25-ի նիստը հետաձգուեց
մինչեւ հոկտեմբերի 12-ը: Այդպիսով ամբաստանեալներ Անդրանիկ
Մանուկեանին եւ Գեղամ Գրիգորեանին ժամանակ տրամադրվեց պաշտպաններ
հրաւիրելու համար:
Յիշեցնենք, որ ՀՀ Ոստիկանութեան Երեւան քաղաքի վարչութեան ՊՊԾ
գնդի ոստիկաններ Ա.Մանուկեանը եւ Գ.Գրիգորեանը մեղադրւում են ՀՀ
քրէական օրէնսգրքի 309-րդ յօդուածի երկրորդ մասով` Պաշտօնական
լիազօրութիւններն անցնելը: