Ստամբուլում հրատարակուել է «Խաղողի օրհնութեան կանոնը» գիրքը
12-08-2009 20:30:00 | | Հասարակութիւն
Ստամբուլում հրատարակուել է «Խաղողի օրհնութեան կանոնը» գրքոյկը,
որտեղ Գնալըի Ներսեսյան Դպրաց դասի մեկենասութեամբ տպագրված են
խաղողօրհնեքի կարգն ու աղօթքի պատճեները` գրաբարով եւ աշխարհաբար
թարգմանությամբ: Գիրքը լոյս է տեսել ճիշտ ժամանակին եւ այդ
առումով կրկնակի ուրախալի է: Այս կիրակի Հայաստանեայց եկեղեցին
օրհնելու է խաղողի այս տարուայ բերքը, որից յետոյ այն կարելի է
ճաշակել:
Ինչպէս տեղեկացնում է «Մարմարան», գրքոյկի «Օրհնություն
խաղողի ողկույզի միջոցով» խորագրով ներածականում Թաթուլ վարդապետ
Անուշյանը ներկայացրել է, թէ որտեղից եւ երբ է ծագել խաղող
օրհնելու աւանդոյթը: Խաղողը մեր ժողովրդի պաշտամունքի առարկայ է
եղել դեռեւս հեթանոսական շրջանից, մեր մշակոյթում այն կեանքի
խորհրդանիշ է հանդիսացել: Ուշագրաւ է, որ խաչքարերի վրայ յաճախ
օգտագործուել են խաղողի պատկերներ: Հայր Թաթուլը Հին Կտակարանից
մեջբերում է արել այն մասին, որ «Նոյ նահապետը առաջին երկրագործն է
եղել: Նա այգի է տնկել ու այն նուիրաբերել Աստծուն: Խաղող օրհնելը
եւ մինչեւ օրհնութիւնը խաղող չուտելը նույնպես ընծայաբերում է
Աստծուն: Խաղողօրհնության երկրորդ նպատակն էլ խաղողի օրհնութեամբ
Աստծուն միանալն ու պտղաբեր դառնալն է»,- գրքոյկի ներածականում
գրել է Թաթուլ քահանա Անուշյանը: