ՀԲ-ի Հարաւային Կովկասի տարածաշրջանային տնօրէնը ծանօթացաւ
Արագածոտնի մարզում ՀԲ-ի միջոցներով իրականացyող ծրագրերի ընթացքին
08-07-2009 19:10:00 | Հայաստան | Տնտեսութիւն
ԱՇՏԱՐԱԿ, 8 ՅՈՒԼԻՍԻ, ՆՈՅԵԱՆ ՏԱՊԱՆ: Աշխատանքային այցով
Երեւանում գտնուող Համաշխարհային բանկի Հարաւային Կովկասի
տարածաշրջանային տնօրէն Ասադ Ալամը յուլիսի 8-ին ՀԲ-ի երեւանեան
գրասենեակի ղեկավար Արիտոմենե Վարուդակիսի ուղեկցութեամբ այցելել է
Արագածոտնի մարզի Աղձք, Վարդենուտ, Արա եւ Մուլքի գիւղեր`
ծանօթանալու ՀԲ ֆինանսավորմամբ իրականացyող մի շարք ծրագրերի
ընթացքին:
ՀԲ-ի «Գիւղական ձեռնարկութիւնների եւ փոքրածավալ առեւտրային
գիւղատնտեսութեան զարգացման» ծրագրի շրջանակներում Աղձք գիւղում
կատարւում են համայնքային գազիֆիկացման աշխատանքներ: Ծրագրի
ընդհանուր արժէքը 2 մլն դոլար է, որից 53 մլն դրամը տրամադրվել է
գիւղի գազիֆիկացման համար: Գազիֆիկացման համար անհրաժեշտ գումարի
15% վճարուել է տեղի բնակչութեան կողմից:
ՀԲ-ի ներկայացուցիչները ծանոթացան նաեւ Վարդենուտ եւ Արա
գիւղերն իրար կապող շուրջ 3,5 կմ երկարությամբ ճանապարհի
վերանորոգման աշխատանքների ընթացքին: Նշուած ճանապարհահատուածը
նախկինում գտնուել է անբարեկարգ վիճակում եւ ձմռանը եղել գրեթէ
անանցանելի, ինչի հետեւանքով տեղի բնակչութիւնը տեղաշարժվելու
սահմանափակ հնարաւորութիւններ է ունեցել:
Այցի աւարտին Ա.Ալամը եղավ Մուլքի գիւղում, որտեղ Հայաստանի
«Սոցիալական ներդրումների հիմնադրամ» ծրագրին ՀԲ-ի տրամադրած 8 մլն
դոլարի լրացուցիչ ֆինանսաւորման շնորհիւ կառուցւում է խմելու ջրի
պոմպակայան:
Կարեւորելով այս ծրագրերի իրականացումը, Ա. Ալամը նշեց, որ
դրանք զգալի դրական ազդեցութիւն կունենան համայնքներում`
կենսամակարդակի բարձրացման առումով: Մասնաւորապէս, Աղձք գիւղում
գազիֆիկացումից յետոյ շուրջ 600 ընտանիքներ, դպրոցը եւ մանկապարտէզը
կունենան ջեռուցում, արդիւնքում` նաեւ կնուազեն ծառահատումները:
Ինչ վերաբերում է գիւղական ճանապարհների վերանորոգմանը, ապա, նրա
խօսքերով, դրա արդիւնքում կբարելաւուի համայնքի մրցունակութիւնն
ու բարեկեցութիւնը, գիւղը կարող է աւելի հեշտ կապ հաստատել
հանրապետական մայրուղու հետ: Բացի այդ` կկրճատուեն գիւղմթերքների`
շուկայ փոխադրման ծախսերը: