ԹԲԻԼԻՍԻ, 2 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 2-ին Թբիլիսիում
մեկնարկեց հունահռոմեական ոճի ըմբշամարտի Եւրոպայի երիտասարդական
առաջնութիւնը: Մրցումներին մասնակցող հայաստանցի 8 մարզիկներից
առաջին օրը մրցագորգ ելան Ալեքսան Միքայելեանը (55 կգ, Գիւմրի),
Արամ Ջուլֆալակեանը (66 կգ, Երեւան), Վաչիկ Եղիազարյանը (ծանր
քաշային, Երեւան) եւ Ռաֆայէլ Ալեքսանեանը (74 կգ, Երեւան):
Ռ.Ալեքսանեանը իր հաշուին գրանցեց 3 յաղթանակ, 1 պարտութիւն
եւ իրաւունք ստացաւ մասնակցելու բրոնզէ մեդալի համար պայքարին:
Գօտեմարտը տեղի կունենայ երեկոյեան մրցահերթում:
Ռ.Ալեքսանեանի միւս 3 թիմակիցները մեկնարկային
հանդիպումներում ձախողուեցին եւ դուրս մնացին յետագայ պայքարից:
Հայաստանի միւս 4 ըմբիշները մրցագորգ կելնեն յուլիսի 3-ին: