Հայաստանի շուրջ 600 խոշոր ձեռնարկութիւններ պարտադիր աուդիտ
կանցնեն
29-05-2009 20:40:00 | Հայաստան | Տնտեսութիւն
ԵՐԵՎԱՆ, 29 ՄԱՅԻՍԻ, ՆՈՅԵԱՆ ՏԱՊԱՆ: Հայաստանի կառավարութեան
մայիսի 29-ի նիստում հաստատուեց «Հաշուապահական հաշուառման մասին» ՀՀ
օրէնքում փոփոխութիւն կատարելու մասին ՀՀ օրէնքի նախագծի
վերաբերեալ կառավարութեան եզրակացութիւնը: Ինչպէս նշեց ՀՀ
ֆինանսների նախարար Տիգրան Դավթեանը, որոշման համաձայն 500 մլն
դրամ շրջանառություն եւ նոյնքան էլ կապիտալ ունեցող խոշոր
ընկերութիւնները պէտք է պարտադիր աուդիտ անցնեն:
Ըստ նախարարի, նախագծի վերաբերեալ ՀՀ Ազգային Ժողովի մի շարք
պատգամաւորներ առաջարկել են պարտադիր աուդիտ անցնողների ցանկից
հանել այն ձեռնարկութիւններին, որոնք ունեն նշուած չափով կապիտալ,
բայց ներկայումս չեն աշխատում: Սակայն, Տ.Դաւթեանի խօսքերով,
կառավարութիւնը նպատակահարմար չի գտնում հաւանութեան արժանացնել
այս առաջարկը:
Վարչապետ Տիգրան Սարգսեանը նշեց, որ սա բանավէճի թեմա է: Ըստ
վարչապետի, աուդիտի չիրականացումը նշանակում է, որ չեն
իրականացւում նախատեսուած լուրջ փոփոխութիւնները: Եթէ տուեալ
ձեռնարկութիւններն ունեն այդքան կապիտալ միջոցներ եւ չեն
աշխատում, ապա, ըստ Տ.Սարգսեյանի, պէտք է ջանքեր գործադրուեն եւ
գումարներ ներդրուեն, որպէսզի դրանք աշխատեցվեն: «500 մլն եւ աւելի
դրամի ակտիւներ ունեցողները պէտք է գործունէութիւն ծավալեն: Նրանք
պարտաւոր են դա անել»,- նշեց Տ.Սարգսեանը` յաւելելով, որ
պետութիւնը պէտք է խստապահանջ լինի այս հարցի նկատմամբ, քանի որ
որոշ երկրներում այդպիսի ձեռնարկութիւնները նոյնիսկ տուգանքներ
են վճարում:
Վարչապետը նշեց նաեւ, ընդհանուր առմամբ, 600 խոշոր
ձեռնարկութիւններ կանցնեն պարտադիր աուդիտ: