2009թ.-ի մայիսին Հայաստանում ծառայութիւնների սակագները
0,2%-ով աճել են
29-05-2009 16:22:00 | Հայաստան | Տնտեսութիւն
ԵՐԵՎԱՆ, 29 ՄԱՅԻՍԻ, ՆՈՅԵԱՆ ՏԱՊԱՆ: Հայաստանի բնակչութեանը
մատուցուած ծառայութիւնների ոլորտում 2009թ.-ի մայիսին ապրիլի
համեմատ արձանագրուել է սակագների 0,2% յավելաճ, ինչը հիմնականում
արդիւնք է այն բանի, որ հանրային սննդի ծառայութիւնների
սակագներն աճել են 0,8%-ով, մշակոյթինը` 4,9%-ով, իսկ կենցաղային
ծառայութիւններինը` 5%-ով:
ՀՀ Ազգային վիճակագրական ծառայութեան տուեալներով,
բնակարանային-կոմունալ, բուժսպասարկման, կրթութեան համակարգի,
իրաւական ու բանկային ծառայութիւնների ոլորտում նշուած
ժամանակահատուածում գրանցուել է գների 0,1% յավելաճ:
Տրանսպորտի եւ կապի ծառայութիւնների սակագները նուազել են,
համապատասխանաբար, 0,5%-ով եւ 0,1%-ով, իսկ հանգստի կազմակերպման
ծառայութիւնների սակագները նախորդ ամսուայ համեմատ մնացել են
անփոփոխ: