Հայաստան է ներկրուել 250 տոննա ազօտական պարարտանիւթ
13-05-2009 17:32:00 | Հայաստան | Տնտեսութիւն
ԵՐԵՎԱՆ, 13 ՄԱՅԻՍԻ, ՆՈՅԵԱՆ ՏԱՊԱՆ: Հայաստանի
Ագրարագիւղացիական միաւորման նախաձեռնութեամբ Պարսկաստանից
Հայաստան է ներկրուել 250 տոննա ազօտական պարարտանիւթ: Ինչպէս
մայիսի 13-ի ասուլիսում յայտնեց կազմակերպութեան նախագահ Հրաչ
Բերբերեանը, արդէն 160 տոննա պարարտանիւթ է ուղարկուել Շիրակի
մարզ, 60 տոննա կտրամադրուի Ապարանի տարածաշրջանին, ինչպէս նաեւ
Գեղարքունիքի եւ Լոռու մարզերին:
Հ.Բերբերեանի խօսքերով, պարարտանիւթը գիւղացիներին կվաճառուի
շուկայականից ցածր գներով: Եթէ 50 կգ-անոց մէկ պարկ պարարտանիւթը
շուկայում վառաճվում է միջինը 8 հազար դրամով (մօտ 22 ԱՄՆ դոլար),
ապա, ըստ Հ.Բերբերեանի, իրենք կվաճառեն շուկայականից ցածր գնով`
1500 դրամով էժան:
Անդրադառնալով Հայաստանում ապրիլի կէսերին տեղացած առատ ձեան
եւ ջերմաստիճանի մինչեւ -4-10 աստիճանով նուազմանը, Հ.Բերբերեանը
նշեց, որ թէեւ ՀՀ Գիւղատնտեսութեան նախարարութեան պաշտօնեաները
հերքում են, սակայն հանրապետութեան որոշ շրջաններում ցրտահարության
դէպքեր այնուամենայնիւ արձանագրուել են: Մասնաւորապէս, ըստ նրա,
10%-ով ցրտահարվել են ծիրանենիները, 30%-ով` որոշ մշակաբոյսեր:
Հ.Բերբերեանը նաեւ չբացառեց, որ ցրտահարության հետեւանքով
գիւղատնտեսական մթերքների գների բարձրացում գրանցուի: