Հայաստանի ապահովագրական ընկերույթունների չբաշխված շահոյթը
2009թ.-ի առաջին եռամսյակում 53,44%-ով աճել է
11-05-2009 20:50:00 | Հայաստան | Տնտեսութիւն
ԵՐԵՎԱՆ, 11 ՄԱՅԻՍԻ, ՆՈՅԵԱՆ ՏԱՊԱՆ: 2009թ.-ի մարտի 31-ի
դրութեամբ Հայաստանում գործող ապահովագրական ընկերութիւնների
ընդհանուր ակտիւների ծաւալը կազմել է 12 մլրդ 399 մլն 266 հազար
դրամ (շուրջ 33 մլն 292 հազար ԱՄՆ դոլար)` 2008թ.-ի դեկտեմբերի
31-ի համեմատ աճելով 6,14%-ով, իսկ պարտավորություններինը` 3 մլրդ
630 մլն 831 հազ. դրամ եւ նուազել 13,75%-ով: ՀՀ Կենտրոնական բանկի
տուեալներով, այդ ընկերութիւնների հաշուեկշռային ընդհանուր կապիտալի
ծաւալը նշուած ժամանահատվածում աճել է 17,35%-ով եւ կազմել 8 մլրդ
768 մլն 434 հազար դրամ, կանոնադրական կապիտալինը` 9,25%-ով եւ
կազմել 7 մլրդ 227 մլն 539 հազար դրամ, գլխաւոր պահուստների
ընդհանուր ծաւալը մնացել է նոյնը` 172 մլն դրամ, ապահովագրական
պահուստներինն աճել է 1,86%-ով եւ կազմել 2 մլրդ 192 մլն 752 հազար
դրամ:
Ապահովագրական ընկերութիւնների ապահովագրավճարների ծաւալը
մարտի 31-ին կազմել են 1 մլրդ 372 մլն 162 հազար դրամ,
վերաապահովագրողներին փոխանցված ապահովագրավճարները` 485 մլն 935
հազար դրամ:
Այդ ընկերութիւնների կողմից վճարվելիք ապահովագրական
հատուցումների ընդհանուր ծաւալը 2009թ.-ի մարտի 31-ին կազմել է 113
մլն 269 հազար եւ եռամսյակում աճել 17,63%-ով,
վերաապահովագրողներին փոխանցվելիք ապահովագրավճարներինը` 899 մլն
81 հազար դրամ եւ նուազել 41,91%-ով, ապահովագրական գումարների
ընդհանուր ծաւալը` 2 տրլն 767 մլրդ 157 մլն 338 հազար դրամ (ըստ 49
878 ապահովագրական պայմանագրերի)` եռամսյակի սկզբի 2 տրլն 354 մլրդ
745 մլն 793 հազար դրամի (ըստ 49 639 ապահովագրական պայմանագրերի)
դիմաց:
Եթէ 2009թ.-ի առաջին եռամսյակի վերջի դրութեամբ ապահովագրական
ընկերութիւնների չբաշխված շահոյթը կազմել է 924 մլն 995 հազար
դրամ, ապա 2008թ.-ի դեկտեմբերի 31-ին` 602 մլն 836 հազար դրամ. աճը
կազմել է 53,44%: