Ապրիլի 14-17-ին Հայաստանի ներբանկային շուկայում բանկերի
կողմից գնուել է մօտ 42 մլն դոլար, վաճառուել` մօտ 38,3 մլն դոլար
21-04-2009 20:10:00 | Հայաստան | Տնտեսութիւն
ԵՐԵՎԱՆ, 21 ԱՊՐԻԼԻ, ՆՈՅԵԱՆ ՏԱՊԱՆ: Ապրիլի 14-17-ն ընկած
ժամանակահատուածում արտարժոյթի ներբանկային շուկայում բանկերի
կողմից գնուել է 41 մլն 934 հազ. 403 ԱՄՆ դոլար` 374,55 դրամ ԱՄՆ
մէկ դոլարի դիմաց միջին փոխարժեքով, եւ վաճառուել` 38 մլն 276 հազ.
595 ԱՄՆ դոլար` 376,79 դրամ ԱՄՆ մէկ դոլարի դիմաց միջին
փոխարժեքով:
Ըստ ՀՀ ԿԲ Հասարակայնութեան հետ կապրերի ծառայութեան, նոյն
ժամանակահատուածում միջբանկային շուկայում իրականացուել է 7,7 մլն
ԱՄՆ դոլարի առք եւ վաճառք` 371,86 դրամ մէկ ԱՄՆ դոլարի դիմաց միջին
փոխարժեքով:
«ՆԱՍԴԱՔ ՕԷՄԷՔՍ ԱՐՄԷՆԻԱ» ԲԲԸ-ում նշուած ժամանակահատուածում
իրականացուել է 1,5 մլն ԱՄՆ դոլարի առք եւ վաճառք` 370 դրամ մէկ ԱՄՆ
դոլարի դիմաց միջին փոխարժեքով:
Ապրիլի 6-12-ն ընկած ժամանակահատուածում բանկերի կողմից դրամով
տրամադրուած վարկերի ծաւալը կազմել է 8,7 մլրդ դրամ, իսկ ԱՄՆ
դոլարով տրամադրուած վարկերի ծաւալը` 10,4 մլն ԱՄՆ դոլար:
Համեմատութեան համար նշենք, որ ապրիլի 6-10-ն ընկած
ժամանակահատուածում արտարժոյթի ներբանկային շուկայում բանկերի
կողմից գնուել է 35 մլն 491 հազ. 348 ԱՄՆ դոլար` 371,68 դրամ ԱՄՆ
մէկ դոլարի դիմաց միջին փոխարժեքով, եւ վաճառուել` 38 մլրդ 268 հազ.
18 ԱՄՆ դոլար` 374,11 դրամ ԱՄՆ մէկ դոլարի դիմաց միջին փոխարժեքով:
Մարտի 30-ից ապրիլի 5-ն ընկած ժամանակահատուածում բանկերի
կողմից դրամով տրամադրուած վարկերի ծաւալը կազմել է 9,2 մլրդ դրամ,
իսկ ԱՄՆ դոլարով տրամադրուած վարկերի ծավալըն 12,4 մլն ԱՄՆ դոլար: