2009թ.-ի յունուար-մարտին նախորդ տարուայ նոյն ժամանակահատուածի
համեմատ Հայաստանի ՀՆԱ-ն 6,1%-ով նուազել է
21-04-2009 18:05:00 | Հայաստան | Տնտեսութիւն
ԵՐԵՎԱՆ, 21 ԱՊՐԻԼԻ, ՆՈՅԵԱՆ ՏԱՊԱՆ: 2009թ.-ի յունուար-մարտին
նախորդ տարուայ նոյն ժամանակահատուածի համեմատ Հայաստանի ՀՆԱ-ն
նուազել է 6,1%-ով եւ կազմել 465 մլրդ 508,4 մլն դրամ (մօտ 1 մլրդ
429,9 մլն ԱՄՆ դոլար` հաշուարկուած յունուար-մարտի 1 դոլարի դիմաց
325,56 դրամ միջին փոխարժեքով): ՀՆԱ-ի ինդեքս-դեֆլեատորը կազմել է
101,9%:
ՀՀ Ազգային վիճակագրական ծառայութեան տուեալներով, նախորդ
տարուայ նոյն ամիսների համեմատ այս տարուայ յունուար-մարտին
հանրապետութիւնում արդիւնաբերական արտադրանքի ծաւալը նուազել է
9,5%-ով եւ կազմել 133 մլրդ 79,4 մլն դրամ:
Գիւղատնտեսութեան համախառն արտադրանքն նուազել է 5,1%-ով եւ
կազմել 39 մլրդ 579,9 մլն դրամ, շինարարութեան ծաւալը նուազել է
21,9%-ով եւ կազմել 40 մլրդ 128,1 մլն դրամ, մանրածախ
առեւտրաշրջանառությունն աճել է 3,9%-ով եւ կազմել 192 մլրդ 912,3
մլն դրամ, իսկ ծառայութիւնների ծաւալը` նուազել 0,7%-ով եւ կազմել
157 մլրդ 470,6 մլն դրամ:
ՀՀ արտաքին առեւտրաշրջանառութեան ծաւալը նախորդ տարուայ
յունուար-մարտի համեմատ նուազել է 27,7%-ով եւ կազմել 781,9 մլն մլն
դոլար: Ընդ որում, արտահանումը նուազել է 47,3%-ով եւ կազմել 123,4
մլն դոլար, իսկ ներմուծումն նուազել է 22,2%-ով եւ կազմել 658,5 մլն
դոլար:
2009թ.-ի յունուար-մարտին սպառողական գները 2008թ.-ի
յունուար-մարտի համեմատ աճել են 2%-ով, իսկ արդիւնաբերական
արտադրանքի գները նուազել են 7,4%-ով:
Այս տարուայ մարտի վերջին նախորդ տարուայ նոյն ամսուայ համեմատ
պաշտօնապէս գրանցուած գործազուրկների թուաքանակը աճել է 5,3%-ով եւ
կազմել 78,7 հազար մարդ:
Այս տարուայ յունուար-մարտին միջին ամսական անուանական
աշխատավարձը կազմել է 97 899 դրամ (նախորդ տարուայ նոյն
ժամանակահատուածի համեմատ աճել է 16,4%-ով), այդ թւում` պետական
յատուածում` 80 682 դրամ (աճել է 18,1%-ով), ոչ պետական յատուածում`
123 501 դրամ (աճել է 13,1%-ով): Այս տարուայ յունուար-մարտին 1 ԱՄՆ-ի
դոլարի միջին փոխարժեքը կազմել է 325,56 դրամ (2008թ.-ին այդ
ցուցանիշը կազմել է 305,97 դրամ):